Losar Festival: જાણો તિબેટમાં ઉજવાતા લોસર ફેસ્ટિવલ વિશે, જેની પર ચીને લગાવ્યો છે પ્રતિબંધ
ચીને તેના નવા વર્ષ લોસર પર તિબેટમાં (Tibet) ધાર્મિક પ્રવૃત્તિઓ પર પ્રતિબંધ મૂક્યો છે. તિબેટીયન લોકો તેમના નવા વર્ષનું લોસર (Losar) પર આયોજન કરવામાં અસમર્થ છે. હોંગકોંગ પોસ્ટના અહેવાલ મુજબ ચીનની કોમ્યુનિસ્ટ પાર્ટી તિબેટીયન રાષ્ટ્રીયતાથી નારાજ છે.
દિવાળીની જેમ, બૌદ્ધ અનુયાયીઓ લોસરના તહેવાર પર તેમના ઘરોને દીવાઓથી શણગારે છે. આ પ્રસંગે અનેક સાંસ્કૃતિક ઉત્સવો ઉજવવામાં આવે છે. લોકો તેમના પરિવારના સભ્યોની સમાધિની મુલાકાત લે છે અને તેમના આત્માની શાંતિ માટે ભગવાનને પ્રાર્થના કરે છે.
મીડિયા રિપોર્ટ્સ અનુસાર, તિબેટીયન પરંપરામાં દર વર્ષે આધ્યાત્મિક ઉત્સવનું આયોજન કરવામાં આવે છે. તિબેટીયન સમુદાય આ તહેવાર દરમિયાન પોત-પોતાના દેવી-દેવતાઓને પ્રાર્થના કરે છે અને પોતાના પૂર્વજોને યાદ કરે છે. ધીમે-ધીમે તેને તહેવાર તરીકે ઉજવવાનું શરૂ થયું.
તિબેટની સંસ્કૃતિને સમજવા માટે લોસર ઉત્સવમાં ભાગ લેવો ખૂબ જ મદદરૂપ છે. આ દરમિયાન બાળકો, વૃદ્ધો, પુરૂષો અને મહિલાઓ તમામ તેમના પરંપરાગત વસ્ત્રોમાં જોવા મળે છે. તહેવાર દરમિયાન, ઘરો, મઠો અને ટેકરીઓ પર રંગબેરંગી ધ્વજ અને પતાકા લહેરાવવામાં આવે છે.
આ તહેવાર દરમિયાન તિબેટીઓ તેમની સાંસ્કૃતિક પ્રવૃત્તિઓ પ્રદર્શિત કરે છે. તમને જણાવી દઈએ કે, હિમાચલ પ્રદેશ અને લદ્દાખના ભાગોમાં રહેતા તિબેટીયન સમુદાય આ તહેવારની ઉજવણી કરે છે. જો કે, આ વર્ષે ચીન તિબેટીયનોને લોસર ફેસ્ટિવલ ઉજવવા દેતો નથી. તિબેટના લોકો પોતાની જમીન પર આ તહેવાર ઉજવી શકતા નથી. (ફોટો: NativePlanet, TibetTour, Tibet.in, TourPackages)
