Durga Puja: દુર્ગા પૂજામાં તમે લાગશો બધાથી અલગ, બસ આ બંગાળી એક્ટ્રેસ પાસેથી લો પ્રેરણા
દુર્ગા પૂજાની ઉજવણી નવરાત્રીથી ચાલુ થઈ જાય છે. દુર્ગા પૂજા દરમિયાન બંગાળી સંસ્કૃતિની શાનદાર ઝલક જોવા મળે છે. આ મહાપર્વ સાથે બંગાળ સહિત ભારતમાં મોટાભાગના સ્થળોએ એક અલગ જ રોનક જોવા મળે છે. આ સમય દરમિયાન પૂજા વખતે સુંદર ડ્રેસિંગ કરવું એ અલગ જ ક્રેઝ જોવા મળે છે. જો તમે બંગાળી ફેશનને અનુસરવા માંગતા હોવ તો તમે કાજોલ સહિત આ બંગાળી અભિનેત્રીઓ પાસેથી ફેશન ટિપ્સ લઈ શકો છો.
સમગ્ર ભારતમાં નોરતા ચાલતા હોવાથી દુર્ગા પૂજાનો ઉત્સાહ જોવા મળે છે. આ પ્રસંગે મહિલાઓ પણ બંગાળી ફેશનને અનુસરે છે. શું તમે પણ બંગાળી પોશાક અને ફેશન અને અલગ દેખાવા માંગો છો? કાજોલ અને અન્ય બંગાળી અભિનેત્રીઓના ગ્લેમરસ લુક પર કરો એક નજર...
રાની મુખર્જીનો બંગાળી સ્વેગ : રાની બંગાળી પરિવારમાંથી આવે છે. તેને ફેશન ક્વીન પણ કહેવામાં આવે છે. અભિનેત્રીએ આ લુકમાં લાલ બ્લાઉઝ અને સફેદ સાડી પહેરી છે. અભિનેત્રીએ જામદાની સાડી પહેરી છે, જે દુર્ગા પૂજા દરમિયાન પહેરવી સારી માનવામાં આવે છે. (ફોટો: Insta/@ranimukherjeeeofficial)
કાજોલ બંગાળી લુક : જ્યારે બંગાળી ફેશનની વાત કરવામાં આવે છે, ત્યારે દિગ્ગજ અભિનેત્રી કાજોલને ભૂલી શકાતી નથી. તમે ગ્લેમર ક્વીન કાજોલના આ ઓરેન્જ સાડી લુકને પણ જોઈને ફેશનને અપનાવી શકો છો. સિમ્પલ લુક માટે તમે કાજોલની આ સ્ટાઇલની કોપી કરી શકો છો. (Photos : Insta/@kajol)
મૌની રોયનો દેશી લૂક : બંગાળી એક્ટ્રેસ મૌની રોય ઘણીવાર ટ્રેડિશનલ લુકમાં ધૂમ મચાવે છે. નાગિન ફેમ મૌની દર વર્ષે દુર્ગા પૂજાના લુકમાં જોવા મળે છે. તાજેતરની તસવીરમાં અભિનેત્રીએ લાલ બોર્ડરવાળી સફેદ સાડી પહેરી છે. તમે તેવી રીતે બંગાળી સાડી પહેરી શકો છો. (ફોટો: Insta/@imouniroy)
બિપાસા બાસુ : ફિલ્મ રાઝ ફેમ બિપાસા બાસુ પણ ટ્રેડિશનલ લુકમાં બધાને મોહિત કરે છે. આ લુકમાં અભિનેત્રીએ નારંગી-ગુલાબી રંગની સાડી પહેરી છે. બિપાસાનો આ સિમ્પલ લુક તમે પણ ટ્રાય કરી શકો છો. (ફોટો :ઇન્સ્ટા/@બિપાશાબાસુ)