શું ઈમરાનની ત્રીજી પત્ની બુશરા બીબી પાસે 2 જીન છે? જાણો બુશરા બીબી પર લાગેલા મેલીવિદ્યાના આરોપો
ઈમરાન ખાને 2018માં પંજાબના રાજકીય પરિવાર સાથે જોડાયેલા બુશરા બીબી (Bushra Bibi) સાથે ત્રીજા લગ્ન કર્યા હતા. બુશરાના આ બીજા લગ્ન હતા. બુશરા અને ઈમરાન પહેલીવાર 2015માં મળ્યા હતા. ત્યારથી બંને એકબીજાને ડેટ કરવા લાગ્યા. ત્યારથી રાજકારણમાં ઈમરાનનું કદ વધતું જ રહ્યું.
બુશરા બીબી પર ઈમરાન ખાનની ખુરશી બચાવવા માટે મેલી વિદ્યા કરવાનો અનેકવાર આરોપ લાગ્યો છે. ઘણા મીડિયા રિપોર્ટ્સ અનુસાર મેલીવિદ્યાના નામે બુશરા બીબીએ પોતાના ઘરે જીવતી મરઘીઓને સળગાવી દીધી હતી. સાથે જ ઘણા લોકો એવો પણ દાવો પણ કરે છે કે બુશરા બીબી પાસે બે જીન છે જે ઈમરાન ખાનની સત્તા બચાવે છે. ઈમરાન સાથે લગ્ન કર્યા ત્યારથી જ બુશરા તેના રહસ્યમય વ્યક્તિત્વને કારણે હંમેશા ચર્ચામાં રહી છે.
ઈમરાન ખાનની ત્રીજી બેગમ બુશરા બીબી પાકિસ્તાનના પંજાબમાં રાજકીય રીતે પ્રભાવશાળી વટ્ટુ પરિવાર સાથે સંબંધ ધરાવે છે. તેમનો જન્મ 16 ઓગસ્ટ 1974ના રોજ પાકિસ્તાનના પાકપટ્ટનમાં થયો હતો. પાકિસ્તાની મીડિયાના રિપોર્ટ મુજબ બુશરા અને ઈમરાન બંને બાબા ફરીદના અનુયાયીઓ હતા અને તેમની પ્રથમ મુલાકાત બાબા ફરીદની દરગાહ પર થઈ હતી. બુશરા બીબી 2015માં ઈમરાન ખાનને મળી હતી અને 2017માં તેના પહેલા પતિ ખાવર મેનકા સાથે છૂટાછેડા લીધા બાદ તેણે 2018માં ઈમરાન સાથે બીજી વખત લગ્ન કર્યા હતા.
પાકિસ્તાનમાં સૌથી વધુ સર્ચ કરાયેલા લોકોમાંથી એક બુશરા બીબી છે. જેમને મોટાભાગના લોકો આધ્યાત્મિક શિક્ષક તરીકે ઓળખે છે અને સામાન્ય લોકોમાં પણ એવો ભ્રમ છે કે બુશરા પાસે '2 જીન' છે જેના આધારે તે પાકિસ્તાનમાં ઈમરાન ખાનની સરકારને બચાવી રહી છે. સામાન્ય રીતે પાકિસ્તાનીઓને લાગે છે કે બુશરા બીબી આધ્યાત્મિક શક્તિઓથી સજ્જ છે અને બુશરાના અનુયાયીઓની સંખ્યા હજારોમાં કહેવાય છે. પાકિસ્તાની મીડિયાએ પણ ઘણી વખત આ દાવો કર્યો છે કે બુશરા બીબીએ ઈમરાનને લઈને ઘણી રાજકીય ભવિષ્યવાણીઓ કરી હતી જે સાચી સાબિત થાય છે. આ જ કારણ છે કે ઈમરાન ખાને બુશરા બીબી સાથે ત્રીજી વખત લગ્ન કર્યા હતા.
રહસ્યમય વ્યક્તિત્વની સાથે-સાથે ઈમરાન ખાનની ત્રીજી પત્ની બુશરા બીબી પર ઘણી વખત અલગ-અલગ રીતે મેલીવિદ્યાનો આરોપ લગાવવામાં આવ્યો છે. તેમજ હવે બુશરા બીબી પર ઈમરાન ખાનની સરકારને બચાવવા માટે મેલીવિદ્યાનો આરોપ લગાવવામાં આવી રહ્યો છે.
વિપક્ષનો આરોપ છે કે પોતાને પીર ગણાવતી બુશરા બીબી ઈમરાન ખાનના ઘરમાં મરઘીઓ સળગાવીને જિનોને ખુશ કરી રહી છે. ઈમરાન ખાનની પાર્ટીમાં 'ગોડમધર'નો દરજ્જો ધરાવતી બુશરા બીબી પર વિપક્ષોએ 3 અબજ રૂપિયાની લાંચ લેવાનો આરોપ પણ લગાવ્યો છે.