Knowledge: ‘થર્મોસ’ એ કંપનીનું નામ છે, તો પછી પાણીને ઠંડુ રાખતી આ બોટલને શું કહેશો?
આપણા ઘરમાં રહેલી ખાસ બોટલને 'થર્મોસ' (Thermos) કહીએ છીએ પરંતુ તેનું નામ થર્મોસ નથી. તો જાણો તેનું અસલી નામ શું છે અને તેને કોણે બનાવી છે.
તમારા ઘરમાં 'થર્મોસ' હશે, જેની ખાસ વાત એ છે કે જો તેમાં ગરમ પાણી રાખવામાં આવે તો તે લાંબા સમય સુધી ગરમ રહે છે. સાથે જ તેમાં ઠંડુ પાણી રાખવામાં આવે તો તે પાણી લાંબા સમય સુધી ઠંડુ રહે છે. લોકો આ ખાસ બોટલને 'થર્મોસ' કહે છે, પરંતુ શું તમે જાણો છો કે તેનું નામ થર્મોસ નથી. આ કંપનીનું નામ છે. જાણો શું છે તેનું અસલી નામ...
સ્પેશિયલ ગ્લાસ પ્રોડક્ટ્સ બનાવતી આ કંપનીનું નામ 'થર્મોસ' છે અને તેનું નામ આ કંપનીના કારણે પડ્યું છે. તે એવી જ રીતે છે જે રીતે ડીટર્જન્ટ પાવડરને 'સર્ફ' કહેવામાં આવે છે, બેક હોલ્ડરને 'જેસીબી' કહેવામાં આવે છે, ફોટો કોપીને 'ઝેરોક્ષ' કહેવામાં આવે છે.
થર્મોસની વાત કરીએ તો, વર્ષ 1892માં સ્ટોટિશ વૈજ્ઞાનિક સર જેમ્સ દેવાલે તેને પહેલીવાર બનાવ્યું હતું. આ સમયે તેણે આ સ્પેશિયલ ફ્લાસ્કમાં તાપમાન જાળવી રાખવા માટે કેમિકલનો ઉપયોગ કર્યો અને તેને બનાવ્યું અને હવે તે ખૂબ જ લોકપ્રિય છે.
થર્મોસ કંપની આ ખાસ પ્રકારની બોટલો અને લંચ બોક્સ બનાવવા માટે જાણીતી છે. પહેલા તે અમેરિકન કંપની હતી, પરંતુ બાદમાં તેને જાપાનીઓએ ખરીદી લીધી. હવે આ કંપની સાથે બીજી ઘણી કંપનીઓ જોડાયેલી છે, પરંતુ આ પેરેન્ટ કંપની છે.
હવે સવાલ એ છે કે અંદર કાચવાળી આ બોટલનું નામ શું છે. જો તમે આવી દરેક બોટલ વિશે કહો, તો તેને 'વેક્યુમ ફ્લાસ્ક' કહેવામાં આવે છે અને તેને 'ફ્લાસ્ક' પણ કહી શકાય.