શું તમને પણ જમ્યા પછી થાય છે સ્વીટ ખાવાની ક્રેવિંગ ? તો જાણી લો નુકસાન
Sweet After Dinner: ઘણા લોકોને રાત્રે જમ્યા પછી મીઠાઈ ખાવાની આદત હોય છે. પરંતુ નિષ્ણાતોના મતે, રાત્રિભોજન પછી મીઠાઈ ખાવાથી ઘણી સ્વાસ્થ્ય સમસ્યાઓ થઈ શકે છે.
રાત્રે સ્વીટ ખાવાથી આપણી ઊંઘ બગાડી શકે છે. શુગર મેલાટોનિનને નિયંત્રિત કરે છે, જે ઊંઘને નિયંત્રિત કરે છે, અને કોર્ટિસોલ (સ્ટ્રેસ હોર્મોન) પણ વધારે છે. તેની અસર એ છે કે ઊંઘ કાં તો ઓછી આવે છે અથવા તો મોડી આવે છે. આ સિવાય મીઠી વસ્તુઓમાં વધુ કાર્બોહાઇડ્રેટ્સ હોય છે, જે શરીરને ઉર્જાવાન રાખવામાં મદદ કરે છે. આવી સ્થિતિમાં, રાત્રે મીઠાઈ ખાવાથી મગજ વધુ સક્રિય બને છે, જે આપણા ઊંઘની સાયકલ બગડે છે.
બ્લડ શુગર લેવલ ઝડપથી વધે છે- જો ડાયાબિટીસના દર્દીઓ દરરોજ રાત્રિભોજન પછી મીઠાઈઓ ખાય છે, તો તેમની સ્વાસ્થ્ય સમસ્યાઓ વધે છે. નિષ્ણાંતોનું કહેવું છે કે રાત્રે વધુ પડતું સ્વીટ ખાવાથી બ્લડ શુગર લેવલ ઝડપથી વધી જાય છે. જેના કારણે અનેક સ્વાસ્થ્ય સમસ્યાઓ જેવી કે ન્યુરોપથી, રેટિનોપેથી અને કિડની સંબંધિત સમસ્યાઓ વધી શકે છે. આ સિવાય રોજ રાત્રે મીઠાઈ ખાવાથી ટાઈપ-2 ડાયાબિટીસ અને સ્થૂળતાનું જોખમ વધી જાય છે. હૃદય સંબંધિત રોગ થવાની પણ સંભાવના છે.
નિષ્ણાતો કહે છે કે રાત્રે સ્વીટ ખાવાની ઈચ્છાને રોકવા માટે તમારે તમારી આદતો અને ખાવાની આદતો બદલવી પડશે. આ માટે, તમે મેગ્નેશિયમ અથવા ક્રોમિયમ જેવા પોષક તત્વો મેળવવા પડશે જેના માટે તમારે લીલા પાંદળા વાળા શાકભાજી તથા ડ્રાયફ્રુટ,ફળો અને આખા અનાજ લઈ શકો છો.
રાત્રિભોજન સમયે, કાર્બોહાઇડ્રેટ્સ, પ્રોટીન અને હેલ્ધી ફેટ યુક્ત ખોરાક લો. તેનાથી તમારું પેટ લાંબા સમય સુધી ભરેલું રહેશે. આ સિવાય જો તમને હજુ પણ કંઈક મીઠી ખાવાનું મન થાય તો તમે મધ સાથે કોઈ મીઠા ફળ, ડાર્ક ચોકલેટનો નાનો ટુકડો અથવા દહીં ખાઈ શકો છો. જો તમે ઈચ્છો તો તમે તજ અથવા કેમોમાઈલ જેવી હર્બલ ટી પણ પી શકો છો. જે હેલ્ધી હોય છે અને થોડી મીઠી પણ હોય છે. એ પણ યાદ રાખો કે શરીરમાં પાણીની કમી ન હોવી જોઈએ, તરસ લાગે ત્યારે પણ ક્યારેક મીઠાઈ ખાવાનું મન થાય છે.
આ સિવાય, રાત્રે જમ્યા પછી, તમારી જાતને કોઈ અન્ય કામમાં વ્યસ્ત રાખો જેમ કે: પુસ્તક વાંચવું અથવા ફરવા જવું વગેરે. તેનાથી તમારું ધ્યાન મીઠાઈઓ પર રહેશે. જો તમને મીઠાઈઓ ખૂબ ગમે છે, તો તમે તેને સવારે ખાઈ શકો છો. કારણ કે તે સમયે આપણું મેટાબોલિઝમ ખૂબ જ એક્ટિવ રહે છે.(નોંધ- નોંધ :સ્વાસ્થ્ય સંબંધીત કંઇ પણ અનુસરતા પહેલા આપ આપના તબીબ અથવા તજજ્ઞોની સલાહ ખાસ લેવી.)
