દિવાળી પર ફટાકડાથી કારને નુકશાન થાય તો ઇન્સ્યોરન્સ મળે ? જાણો શું છે નિયમ
જો તમારી પાસે કાર છે અને તમારી શેરીમાં પણ લોકો દિવાળી પર ફટાકડા ફોડે છે, તો આ માહિતી તમારા માટે ઉપયોગી સાબિત થશે. ત્યારે ફટાકડાથી ક્ષતિગ્રસ્ત કાર માટે કંપની વીમા કવચ આપે છે કે નહીં. આ ઉપરાંત તમે કેવી રીતે દાવો કરી શકો છો અને કયા સંજોગોમાં તમારું ઇન્સ્યોરન્સ રદ કરવામાં આવે છે. તેના વિશે આ લેખમાં જાણીશું.
જો તમારી પાસે કાર છે અને તમારી શેરીમાં પણ લોકો દિવાળી પર ફટાકડા ફોડે છે, તો આ માહિતી તમારા માટે ઉપયોગી સાબિત થશે. ફટાકડાથી ક્ષતિગ્રસ્ત કાર માટે કંપની વીમા કવચ આપે છે કે નહીં. તેના વિશે આ લેખમાં જાણીશું.
કાર વીમા પોલિસીના ત્રણ પ્રકાર છે, જેમાં થર્ડ-પાર્ટી કાર વીમો, સ્ટેન્ડઅલોન પોલિસી અને કોમ્પ્રીહેન્સીવ કાર વીમાનો સમાવેશ થાય છે. આગ અથવા બ્લાસ્ટને કારણે તમારી કારને થયેલ નુકસાન કોમ્પ્રીહેન્સીવ અને સ્ટેન્ડઅલોન કાર વીમા પોલિસીમાં આવરી લેવામાં આવે છે.
જો તમે તમારી કાર માટે વીમા કંપની પાસેથી ક્લેમ લેવા માગો છો, તો તમારે કેટલીક બાબતો ધ્યાનમાં રાખવી પડશે. આ માટે કારમાં ક્ષતિ દેખાતા જ સૌથી પહેલા કાર ઈન્સ્યોરન્સ કંપની અને એજન્ટને જાણ કરવી જોઈએ.
સામાન્ય રીતે જો કારને આગથી નુકસાન થાય છે, તો વીમા કંપનીઓ એફઆઈઆર માંગે છે, આ અકસ્માતની તારીખ, સમય અને સ્થળની ચોક્કસ વિગતો જાણવામાં મદદ કરે છે. તેથી ઘટના બાદ FIR નોંધાવી જોઈએ.
જો ઇન્સપેક્શન પુષ્ટિ કરે છે કે તમારો દાવો સાચો છે, તો વીમા એજન્ટ દસ્તાવેજીકરણ શરૂ કરશે. એકવાર દસ્તાવેજીકરણ પૂર્ણ થયા બાદ વીમા એજન્ટ દાવો કવર કરે છે.
જો કારની બેટરીમાંથી સ્પાર્ક અથવા ઇલેક્ટ્રિકલ વાયરિંગ સિસ્ટમમાં કોઈપણ પ્રકારની ખામીને કારણે કારમાં આગ લાગી જાય, તો વીમાનો દાવો નકારવામાં આવે છે.
આ સિવાય જો AC અથવા LPG ગેસ કીટ બદલતી વખતે અથવા સેટિંગ દરમિયાન કોઈ ભૂલને કારણે આગ લાગે તો વીમા કંપની ક્લેમ રિજેક્ટ કરે છે. (Image - Getty Images)