ધુરંધર 2 ના એન્ડ ક્રેડિટમાં મળશે ‘મોટું સરપ્રાઈઝ’ ! શું આદિત્ય ધર ‘ધુરંધર 3’ થી બોલિવૂડમાં નવો ઇતિહાસ રચશે?
રણવીર સિંહની મોસ્ટ અવેટેડ ફિલ્મ 'ધુરંધર 2' હજુ તો સિનેમાઘરોમાં ધમાકેદાર એન્ટ્રી કરવા માટે તૈયાર થઈ છે અને ત્યાં જ બોલિવૂડના ગલિયારાઓમાં તેના આગામી ભાગ એટલે કે 'ધુરંધર 3' ને લઈને અત્યારથી જ ચર્ચા શરૂ થઈ ગઈ છે.
'ધુરંધર 2' પછી હવે 'ધુરંધર 3' બનવાની ચર્ચાઓએ જોર પકડ્યું છે. 'વેરાયટી ઈન્ડિયા'ના અહેવાલ મુજબ, જીયો સ્ટુડિયોએ આદિત્ય ધરને આ ફિલ્મનો આગામી ભાગ બનાવવા માટે આગ્રહ કર્યો છે. આ રિપોર્ટમાં જણાવવામાં આવ્યું છે કે, "આદિત્ય ધર પાસે 'ધુરંધર 3' માટેનો આઈડિયા તો છે પરંતુ અત્યાર સુધી તેમણે કોઈ કમિટમેન્ટ (ખાતરી) આપ્યું નથી.
બીજી તરફ, સ્ટુડિયોનું માનવું છે કે, આ વિષય એવો છે કે, જેને એક આખા યુનિવર્સમાં બદલી શકાય છે. જીયો સ્ટુડિયોએ આદિત્ય ધરને 'ધુરંધર 2' ના એન્ડ ક્રેડિટ્સમાં 'ધુરંધર 3' નો સંકેત આપવા કહ્યું છે, જેથી ભવિષ્યમાં જો આ ફિલ્મ બને, તો તેની કડીઓ સરળતાથી જોડી શકાય."
એક સૂત્રના આધારે આ રિપોર્ટમાં લખવામાં આવ્યું છે કે, 'ધુરંધર' એટલે હિટ રહી કારણ કે, તે YRF સ્પાય યુનિવર્સ અને સાઉથની એક્શન ફિલ્મોના ટેમ્પલેટ પર નહોતી બની. સિને-જગતમાં આદિત્ય ધરે જે જૂની પરંપરાઓ તોડી છે, હવે તેઓ પોતે જ તેમાં ફસાવવા માંગતા નથી." જો કે, 'ધુરંધર 3' બનશે કે નહીં? 'ધુરંધર 2' ના એન્ડ ક્રેડિટ્સમાં કોઈ સરપ્રાઈઝ મળશે કે નહીં? તે તો સમય જ કહેશે.
આટલું જ નહીં, અહેવાલોમાં એવું પણ જણાવવામાં આવ્યું છે કે, આદિત્ય પાસે પહેલેથી જ ત્રીજા ભાગનો (Chapter) વિચાર (Idea) છે પરંતુ તેમણે હજુ સુધી આ અંગે કોઈ ખાતરી આપી નથી. જો કે, સ્ટુડિયો આ તક ગુમાવવા માંગતો નથી અને તેમણે ફિલ્મ નિર્માતાને પ્રેક્ષકોમાં ઉત્સાહ જાળવી રાખવા માટે 'ધુરંધર 2' માં ઓછામાં ઓછું એક પોસ્ટ-ક્રેડિટ ટીઝર એડ (Add) કરવા માટે કહ્યું છે, જેથી ત્રીજી ફિલ્મની શક્યતાનો સંકેત મળી શકે."
આદિત્ય ધરના નિર્દેશનમાં બનેલી અને રણવીર સિંહ સ્ટારર સ્પાય થ્રિલર ફિલ્મ 'ધુરંધર: ધ રિવન્જ' (ધુરંધર 2) આગામી 19 માર્ચ, 2026ના રોજ વિશ્વભરમાં રિલીઝ થવા જઈ રહી છે. વર્ષ 2025ની બ્લોકબસ્ટર ફિલ્મની આ સિક્વલ હિન્દી ઉપરાંત તમિલ, તેલુગુ, કન્નડ અને મલયાલમ ભાષામાં રિલીઝ થશે, જેના પેઇડ પ્રિવ્યૂ 18 માર્ચથી જ શરૂ થઈ જશે.
3 કલાક અને 55 મિનિટની લાંબી રન ટાઈમ ધરાવતી આ ફિલ્મમાં રણવીર સિંહની સાથે અર્જુન રામપાલ, સંજય દત્ત, આર. માધવન અને સારા અર્જુન મુખ્ય ભૂમિકામાં છે.
