ફ્રિક મેચિંગ શું છે ? Gen Z માં શા માટે આ શબ્દો આટલો ફેમશ છે, જાણો…
Generation Z માં ફ્રીક મેચિંગ એક નવો ડેટિંગ ટ્રેન્ડ છે જ્યાં જીવનસાથી પસંદ કરતી વખતે સામ્યતા કરતાં સામાન્ય રુચિઓ અને જુસ્સા પર વધુ ધ્યાન આપવામાં આવે છે. આ ટ્રેન્ડ ટિનાશેના ગીત "નાસ્ટી" ના લોકપ્રિય થવા પછી ઉભરી આવ્યો છે. ફ્રીક મેચિંગમાં ખુલ્લા મનથી વાતચીત અને પાર્ટનરના જુસ્સાને સમજવાનું મહત્વ છે, સફળ સંબંધ માટે ઈમાનદારી જરૂરી છે.
Freak Matching Trend: પ્રેમ અને ડેટિંગની દુનિયામાં દરરોજ નવા ટ્રેન્ડ આવતા રહે છે. Generation Z માટે પ્રેમ એ કોઇ એડવેન્ચરથી કમ નથી. Generation Z અવાર નવાર નવા ટ્રેન્ડને ફોલો કરતા હોય છે આવો જ એક ટ્રેન્ડ છે 'ફ્રિક મેચિંગ'. હા, પ્રેમની આ નવી શૈલી હવે Generation Z ને ખૂબ જ પસંદ આવી રહી છે. તે હવે એવા જીવનસાથીની શોધમાં છે જે તેના ફ્રીક સાથે મેળ ખાતા હોય. શું છે આ નવો ડેટિંગ ટ્રેન્ડ અને શા માટે તે યુવાનોની પહેલી પસંદ બની ગયો છે, ચાલો જાણીએ તેનાથી સંબંધિત તમામ બાબતો
ડેટિંગની દુનિયા ખૂબ જ અનોખી છે. અહીં માત્ર નવા ટ્રેન્ડ જ નથી સર્જાતા પણ લોકોને નવા અનુભવો પણ મળે છે. ફ્રીક મેચિંગ તેમાંથી એક છે. જો તમે પણ કોઈને ડેટ કરવા જઈ રહ્યા છો તો તમારે આ નવા શબ્દ વિશે બધું જ જાણવું જોઈએ. આનો અર્થ એ છે કે કોઈ એવી વ્યક્તિ સાથે ડેટિંગ કરો જે તમારા જુનૂન અને ફિતૂરને માન આપે છે. આનો અર્થ એ છે કે પાર્ટનર માટે પ્રેમ માત્ર લાગણી જ નથી પરંતુ જુનૂન છે.
ફ્રીક મેચિંગ એ બે લોકો વચ્ચેની મેચ છે જેઓ એક વસ્તુ કરવા માટે ઉત્સાહી હોય છે. ધ્યાનમાં રાખો કે આ જુસ્સો માત્ર પ્રેમ કે રોમાન્સ પૂરતો મર્યાદિત નથી. તે તેના કરતા ઘણું વધારે છે, તે નવી વસ્તુઓનો અનુભવ કરવા વિશે છે. આમાં ખોરાકથી લઈને મુસાફરી, સાહસ, વાંચન, વર્કઆઉટ વગેરે બધું શામેલ છે.
હવે સવાલ એ છે કે આ નવો શબ્દ આવ્યો ક્યાંથી અને આ શબ્દ પ્રથમ વખત કોણે પ્રયોગ કર્યો. અને તે આટલી ઝડપથી જનરલ ઝેડ સાથે કનેક્શન કેવી રીતે બન્યું. આ વર્ષે એપ્રિલમાં, સિંગર ટિનાશેનું એક ગીત 'નાસ્ટી' રિલીઝ થયું હતું. આ ગીતમાં એક પંક્તિ હતી જેનો અર્થ એ હતો કે પૂછવું કે શું કોઈ મારા ફ્રીક સાથે મેળ ખાય છે. ત્યારથી સોશિયલ મીડિયા પર ફ્રીક મેચિંગ શબ્દ લોકપ્રિય બન્યો છે. લોકોએ તેને શોધવાનું શરૂ કર્યું. લોકોએ આ ગીતને એટલું પસંદ કર્યું કે માત્ર 7 મહિનામાં જ તેને 37 મિલિયનથી વધુ વ્યૂઝ મળ્યા છે. બાદમાં ટીનાશે પોતે પણ આ ગીતનો વીડિયો સોશિયલ મીડિયા પર પોસ્ટ કર્યો હતો.
જો તમે પણ એવા પાર્ટનરની શોધમાં છો જે તમારી ફ્રેક અથવા પેશન સાથે મેળ ખાતો હોય તો તમારે કેટલીક બાબતોનું ધ્યાન રાખવું જોઈએ. તો જ તમે એક સંપૂર્ણ જીવનસાથી શોધી શકશો. તમારા જુસ્સા અને શોખ વિશે તમારા ડેટિંગ પાર્ટનર સાથે ખુલીને વાત કરો. તમારી પ્રાથમિકતા જણાવવાનું ભૂલશો નહીં. તમારે એવા જીવનસાથીની શોધ કરવી જોઈએ જે તમને અને તમારા પેશનની કદર કરે. જો તે તમારા પેશનને સમજી શકતો નથી,તો એ તમને પર્સનલ સ્પેસ આપે. જેથી પછીથી તમને સમયને લઈને કોઈ સમસ્યા ન થાય. ધ્યાનમાં રાખો કે કોઈપણ સંબંધ ત્યારે જ સફળ થઈ શકે છે જ્યારે તેમાં સંપૂર્ણ ઈમાનદારી હોય, તેથી માત્ર સંબંધ બાંધવા માટે જૂઠનો સહારો ન લો. કારણ કે અસત્ય બહુ દૂર ટકી શકતું નથી. હંમેશા સ્પષ્ટ અને સરળ રીતે બોલો.