DA Hikeમાં વધારો થતા હવે કેટલી વધશે સેલરી? જાણો દરેક લેવલના કર્મચારીઓના પગારનું પુરુ કેલ્ક્યુલેશન
સૌથી મહત્ત્વની વાત એ છે કે સરકારના આ નિર્ણયથી કેન્દ્ર સરકારના કર્મચારીઓના માસિક પગારમાં વધારો થશે, જ્યારે પેન્શનરોને પણ મોંઘવારી રાહત વધવાનો લાભ મળશે. આ ઉપરાંત, 6ઠ્ઠા પગાર પંચ હેઠળ આવતા કર્મચારીઓનું DA 262%થી વધીને 269% (+7%) થયું છે.
કેન્દ્ર સરકારના કર્મચારીઓને જુલાઈ-ડિસેમ્બર 2026ના સમયગાળા માટે 63% મોંઘવારી ભથ્થું (DA) મળશે. કેન્દ્ર સરકારે બુધવાર, 28 ઓક્ટોબર 2026ના રોજ જાહેરાત કરી હતી કે કર્મચારીઓના મોંઘવારી ભથ્થા (DA) અને પેન્શનરોના મોંઘવારી રાહત (DR)માં 3%નો વધારો કરવામાં આવશે. આ વધારા સાથે DAનો દર હાલના 60%થી વધીને 63% થઈ જશે. DA અને DRના નવા દર 1 જુલાઈ 2026થી લાગુ થશે.
શું ફાયદો મળશે? : સૌથી મહત્ત્વની વાત એ છે કે સરકારના આ નિર્ણયથી કેન્દ્ર સરકારના કર્મચારીઓના માસિક પગારમાં વધારો થશે, જ્યારે પેન્શનરોને પણ મોંઘવારી રાહત વધવાનો લાભ મળશે. આ ઉપરાંત, 6ઠ્ઠા પગાર પંચ હેઠળ આવતા કર્મચારીઓનું DA 262%થી વધીને 269% (+7%) થયું છે. જ્યારે 5મા પગાર પંચ હેઠળ આવતા કર્મચારીઓનું DA 483%થી વધીને 497% (+14%) થયું છે. DAમાં થયેલા આ સમગ્ર વધારા પાછળ સરકારને ₹10,016 કરોડનો ખર્ચ થશે.
સરકારના આ પગલાથી દેશના આશરે 49 લાખ કેન્દ્રીય કર્મચારીઓ અને 68 લાખથી વધુ પેન્શનરોને સીધો લાભ મળશે. આ વધારો 7મા પગાર પંચની ભલામણો હેઠળ નક્કી કરવામાં આવેલા ફોર્મ્યુલાના આધારે કરવામાં આવ્યો છે.
કોનો પગાર કેટલો વધશે? જાણો સંપૂર્ણ ગણતરી : DA (Dearness Allowance) હવે 60%થી વધીને 63% થઈ ગયું છે. એટલે કે કર્મચારીઓને તેમના મૂળ પગારના વધારાના 3% જેટલી રકમ મોંઘવારી ભથ્થા તરીકે મળશે. અલગ-અલગ મૂળ પગાર પ્રમાણે તેની ગણતરી નીચે મુજબ છે.
જો કોઈ કર્મચારીનો મૂળ પગાર ₹18,000 છે, તો હાલ 60% DA મુજબ તેને દર મહિને ₹10,800 મોંઘવારી ભથ્થું મળે છે. DA વધીને 63% થતાં આ રકમ ₹11,340 થશે, એટલે દર મહિને ₹540નો વધારો મળશે. તેવી જ રીતે, ₹25,000 મૂળ પગાર ધરાવતા કર્મચારીને દર મહિને ₹750, ₹29,000 મૂળ પગાર ધરાવતા કર્મચારીને ₹876, ₹35,000 મૂળ પગાર ધરાવતા કર્મચારીને ₹1,062, ₹44,900 મૂળ પગાર ધરાવતા કર્મચારીને ₹1,347 અને ₹47,600 મૂળ પગાર ધરાવતા કર્મચારીને ₹1,428નો વધારાનો લાભ મળશે. આ ગણતરી મુજબ DAમાં 3 ટકાનો વધારો થવાથી કર્મચારીઓના મૂળ પગારના આધારે તેમના માસિક પગારમાં વધારો થશે. નોંધનીય છે કે આ ગણતરી આપેલા આંકડાઓ પર આધારિત છે.
એટલે કે, જો કોઈ કર્મચારીનો મૂળ પગાર ₹18,000 છે, તો તેને દર મહિને ₹540 વધારાના મળશે. જ્યારે ₹44,900 મૂળ પગાર ધરાવતા કર્મચારીના મોંઘવારી ભથ્થામાં દર મહિને ₹1,347નો વધારો થઈ શકે છે.
1 જુલાઈ 2026થી અમલ થતાં કેટલું એરિયર્સ મળશે? : DAનો નવો દર 1 જુલાઈ 2026થી લાગુ થવાની જાહેરાત કરવામાં આવી છે. જો સરકાર આ તારીખથી વધારો લાગુ કરે છે, તો પાત્ર કર્મચારીઓને જુલાઈથી લાગુ પડતા તફાવતનું એરિયર્સ પણ મળી શકે છે.
Published On - 9:38 am, Thu, 29 October 26
