વિરાટ કોહલીનો રેકોર્ડ તોડી શકશે આ પ્લેયર?
સૂર્યકુમાર યાદવે ધમાકેદાર ઈનિંગ્સ રમીને ઘણા રેકોર્ડ પોતાના નામે કર્યા. તેને ઓસ્ટ્રેલિયા સામેની પહેલી ટી20માં 42 બોલમાં 80 રનની ઈનિંગ રમી હતી. સૂર્યાને તેની શાનદાર ઈનિંગ્સ માટે 'પ્લેયર ઓફ ધ મેચ' પસંદ કરવામાં આવ્યો હતો. આ દરમિયાન તેણે રોહિત શર્માનો મોટો રેકોર્ડ તોડ્યો.
સૂર્યકુમાર યાદવ ટી20 ઈન્ટરનેશનલ ક્રિકેટમાં કેપ્ટનશીપની શરૂઆત કરતી વખતે આ એવોર્ડ જીતનાર બીજો ભારતીય છે. આ પહેલા ફાસ્ટ બોલર જસપ્રિત બુમરાહે આ સિદ્ધિ મેળવી હતી. બુમરાહને આ વર્ષે આયર્લેન્ડ પ્રવાસ પર કેપ્ટન બનાવવામાં આવ્યો હતો ત્યાં તેને શાનદાર બોલિંગ કરી હતી. કેપ્ટન તરીકે ડેબ્યૂ મેચમાં બેસ્ટ ઈનિંગ રમનાર ભારતીય ખેલાડી પણ સૂર્યા બની ગયો છે. આ પહેલા આ રેકોર્ડ કેએલ રાહુલના નામે હતો જેણે અફઘાનિસ્તાન સામે 62 રનની ઈનિંગ રમી હતી.
સૂર્યકુમાર યાદવે પણ ત્રીજા નંબરે અથવા તેનાથી નીચેના ક્રમે બેટિંગ કરીને સિક્સ ફટકારવાની સદી પૂરી કરી હતી. આ સિદ્ધિ મેળવનાર તે ત્રીજા અને ભારતીયોમાં બીજો ખેલાડી છે. સૂર્યકુમાર પહેલા ટીમ ઈન્ડિયાના પૂર્વ કેપ્ટન વિરાટ કોહલીએ આ સિદ્ધિ મેળવી હતી. ટીમ ઈન્ડિયાએ સૂર્યાની કપ્તાનીમાં ટી20 ઈન્ટરનેશનલ ક્રિકેટમાં સૌથી મોટો રનનો પીછો કર્યો.
Published On - 6:33 pm, Fri, 24 November 23
