વિરાટ કોહલીને યુવકે મેદાનમાં ઘૂસીને ચરણ સ્પર્શ કર્યાને દિવસ બની ગયો! સૂર્યકુમારે તેની પળોને જબરદસ્ત બનાવી દીધી
ભારતીય ટીમે તિરુવનંતપુરમમાં રવિવારે રમાયેલી વનડે મેચમાં 317 રનથી વિક્રમી જીત મેળવી હતી, જેમાં વિરાટ કોહલીએ તિરુવનંતપુરમમાં અણનમ 166 રનની શાનદાર ઈનીંગ રમી હતી.
તિરુવનંતપુરમમાં રવિવારે રમાયેલી વનડે મેચ ભારતીય ક્રિકેટ ચાહકો માટે યાદગાર રહી છે. ભારતે વનડે ક્રિકેટના ઈતિહાસની સૌથી મોટી જીત હાંસલ કરી છે. શ્રીલંકાને 317 રનના વિશાળ અંતરથી હાર આપી હતી. વિરાટ કોહલીએ આ મેચમાં 166 રનની અણનમ ઈનીંગ રમી હતી. તેણે આ રન 110 બોલનો સામનો કરીને નોંધાવ્યા હતા. કોહલી માટે પણ 15 જાન્યુઆરી ફરી ખાસ રહી હતી. આ દરમિયાન કોહલીના એક ચાહકને આ યાદગાર વનડે વધારે લકી રહી હતી.
ભારતે 317 રનના અંતરથી મેચ જીતી લીધા બાદા ટીમ ઈન્ડિયાના ખેલાડીઓ મેદાનમાં ખુશી ભર્યા માહોલને માણતા હતા. ગણા ખરાં ખેલાડીઓ ટહેલતા હતા. ત્યારે જ એક યુવક દોડતો મેદાનમાં ઘુસી આવ્યો હતો અને સીધો જ વિરાટ કોહલી તરફ દોડ્યો હતો.
દોડતો મેદાનમાં આવેલો યુવક સીધો જ વિરાટ કોહલી પાસે પહોંચ્યો હતો. કોહલીને તે પગે પડી ગયો હતો. આ રીતે અનેક સ્ટાર્સ ખેલાડીઓને તેમના ચાહકો પોતાનો પ્રેમ ભૂતકાળમાં દર્શાવી ચૂક્યા છે. આ વખતે તિરુવનંતપુરમના મેદાનમાં આવુ દૃશ્ય જોવા મળ્યુ હતુ.
જોકે આ યુવકને નસીબ સારુ હતુ. કારણ કે તેને કોઈ રોક ટોક અને ખેંચમતાણ સિક્યૂરીટી કરે એના બદલે સીધા જ કોહલીને નજીક થી મળવાનો મોકો મળ્યો. તો વળી કોહલીની સાથે તેને ફોટો પડાવવાનો મોકો પણ મળ્યો હતો.
વિરાટ કોહલીએ ચરણ સ્પર્શ કરનારા આ યુવકને ખુશી ખુશી મેદાનમાં પોતાની સાથે ફોટો પડાવ્યો હતો. તો વળી સૂર્યકુમાર યાદવે અહીં યુવકનુ દિલ ખુશ કરી દેતુ કામ કર્યુ હતુ. સૂર્યાએ યુવકનો મોબાઈલ લઈને વિરાટ કોહલી સાથે તેની તસ્વીર ક્લીક કરી હતી. આમ તેના માટે ડબલ ખુશીની પળ બની ગઈ હતી. જે યુવકના ચહેરાને જોઈને અંદાજ લગાવાઈ શકાય છે.
Published On - 8:43 am, Mon, 16 January 23