Travis Head Century: ટ્રેવિસ હેડની પાકિસ્તાન સામે રેકોર્ડ સદી, 3 વર્ષ બાદ ઓસ્ટ્રેલિયાની ટીમમાં વાપસી કરી
પાકિસ્તાન અને ઓસ્ટ્રેલિયા વચ્ચે ટેસ્ટ બાદ વન-ડે શ્રેણીની શરૂઆત થઇ ગઇ છે. આ સીરિઝમાં ત્રણ મેચ રમાવાની છે. જેમાં પહેલી વન-ડે મેચ ઓસ્ટ્રેલિયાએ 88 રને જીતી લીધી છે.
1 / 4
ટેસ્ટ શ્રેણીમાં શાનદાર પ્રદર્શન કર્યા બાદ ઓસ્ટ્રેલિયાએ વનડે શ્રેણીમાં પણ શાનદાર શરૂઆત કરી છે. લાહોરમાં રમાયેલી પ્રથમ વનડે મેચમાં પાકિસ્તાની બેટ્સમેનોએ સરળતાથી રન બનાવ્યા હતા. ખાસ કરીને ટીમના ઓપનર ટ્રેવિસ હેડે ખૂબ જ ધૂમ મચાવી હતી અને લગભગ સાડા ત્રણ વર્ષ બાદ વિસ્ફોટક સદી સાથે ODI ટીમમાં પુનરાગમનની ઉજવણી કરી હતી. (ફોટોઃ AFP)
2 / 4
ત્રણ મેચની ODI શ્રેણી મંગળવાર, 29 માર્ચથી શરૂ થઈ હતી અને પ્રથમ મેચમાં ઓપનિંગ માટે ઉતરેલા ટ્રેવિસ હેડે તોફાની બેટિંગ કરી હતી અને પોતાની ODI કારકિર્દીની બીજી સદી ફટકારી હતી. હેડ માત્ર 70 બોલમાં 100 રન કર્યા હતા. (તસવીરઃ PTI)
3 / 4
આ સાથે એક રેકોર્ડ પણ બન્યો હતો. તે પાકિસ્તાન સામે વનડેમાં સૌથી ઝડપી સદી ફટકારનાર ઓસ્ટ્રેલિયન બેટ્સમેન બની ગયો છે. જો કે, તે હજુ મોટી ઇનિંગ્સ રમી શક્યો ન હતો અને 72 બોલમાં 12 ચોગ્ગા અને 3 છગ્ગાની મદદથી 101 રન બનાવીને આઉટ થયો હતો. (ફોટોઃ AFP)
4 / 4
હેડને લાંબા સમય બાદ ઓસ્ટ્રેલિયાની વનડે ટીમમાં સ્થાન મળ્યું છે. તેને છેલ્લી ODI મેચ નવેમ્બર 2018માં દક્ષિણ આફ્રિકા સામે રમી હતી. જેમાં તે માત્ર 6 રન બનાવી શક્યો હતો. ત્યારથી તે ટીમની બહાર હતો. જોકે તેને ટેસ્ટ મેચોમાં તક મળી હતી. થોડા અઠવાડિયા પહેલા તેણે ઈંગ્લેન્ડ સામેની એશિઝ શ્રેણીમાં બે સદી ફટકારી હતી. (ફોટોઃ AFP)