IPL 2023 ના 5 મોટા ખેલાડી જે ફેલ રહ્યા, જેમાં 2 ભારતીય ખેલાડી પણ સામેલ
આઇપીએલમાં જે તોફાની બેટીંગ માટે જાણીતા છે તે આઇપીએલ 2023માં ફ્લોપ રહ્યા છે. ટીમ મેનેજમેન્ટ માટે આ ખેલાડીઓ ચિંતાનું કારણ બન્યા છે. ઘણા ખેલાડીને ટીમ દ્વારા પહેલા જ રિટેન કરી લેવામાં આવ્યા હતા. જેમણે ઓક્શનમાં ભાગ લીધો તેમને ટીમે વધુ કિંમતમાં ખરીદ્યા. આ ટોપ 5 ફ્લોપ ખેલાડીઓના લિસ્ટ પર નજર કરીએ.
દિનેશ કાર્તિક: રોયલ ચેલેન્જર્સ બેંગલોરના વિકેટકીપર બેટ્સમેન દિનેશ કાર્તિકે ગત સીઝનમાં શાનદાર પ્રદર્શન કરી ભારતીય ટીમમાં વાપસી કરી હતી અને આઇપીએલની આ સીઝન દરમિયાન તેણે તમામ ચાર મેચમાં બેટિંગ કરી છે પણ ફક્ત 10 રન બનાવ્યા છે. તેની એવરેજ ત્રણની રહી છે અને સ્ટ્રાઇક રેટ 77 ની રહી છે.
મિચેલ માર્શ: દિલ્હી કેપિટલ્સની આ સીઝનમાં નિરાશાજનક શરૂઆતનું કારણ બેટ્સમેન રહ્યા છે. મિચેલ માર્શ આ સીઝનમાં ત્રણ મેચમાં ફક્ત ચાર રન બનાવી શક્યો છે. રિકી પોંટિંગને આ બેટ્સમેન પાસેથી વધુ સારા પ્રદર્શનની અપેક્ષા હતી. માર્શનું ફ્લોપ રહેવું એક મોટું કારણ છે કે ડેવિડ વોર્નરની ટીમ સારી શરૂઆત મેળવી શકી નથી.
એનરિક નોર્કિયા: દિલ્હી કેપિટલ્સના ફાસ્ટ બોલર એનરિક નોર્કિયા ચાર મેચમાં ફક્ત 2 વિકેટ લઇ શક્યો છે. આ દરમિયાન તેની ઇકોનોમી રેટ 9 થી વધુની રહી છે. એનરિક નોર્કિયા માટે દિલ્હી કેપિટલ્સે રબાડાને રિલીઝ કર્યો હતો.
