Team India Schedule 2022: ટીમ ઇન્ડિયાની આગામી વર્ષે ઇંગ્લેન્ડ અને ઓસ્ટ્રેલિયા સામે થશે ટક્કર, T20 વિશ્વકપની આશા
India Cricket Team Schedule 2022: ટીમ ઈન્ડિયા વર્ષ 2021માં ટી-20 ચેમ્પિયન તો બની શકી નથી, પરંતુ 2022માં તેને વધુ એક તક મળવા જઈ રહી છે, આ સિવાય ઈંગ્લેન્ડ અને ઓસ્ટ્રેલિયાથી પણ આકરી ટક્કર થવાની છે.
શ્રીલંકા સામે 2 ટેસ્ટ મેચોની શ્રેણી ફેબ્રુઆરીના અંતથી શરૂ થશે. પ્રથમ ટેસ્ટ બેંગલુરુમાં 25 ફેબ્રુઆરીએ રમાશે. બીજી ટેસ્ટ 5 માર્ચથી મોહાલીમાં શરૂ થશે. આ પછી ત્રણ મેચની T20 શ્રેણી રમાશે. પ્રથમ T20 13 માર્ચે મોહાલીમાં રમાશે. બીજી T20 15 માર્ચે ધર્મશાલામાં, ત્રીજી T20 18 માર્ચે લખનૌમાં રમાશે.
IPL 2022 એપ્રિલ-મેમાં રમાશે, જેની તારીખો હજુ જાહેર કરવામાં આવી નથી, પરંતુ જૂનમાં ટીમ ઈન્ડિયા દક્ષિણ આફ્રિકા સામે 5 T20 મેચોની શ્રેણી રમશે. પ્રથમ T20 ચેન્નાઈમાં 9 જૂને, બીજી T20 બેંગલુરુમાં 12 જૂને, ત્રીજી T20 નાગપુરમાં 14 જૂને રમાશે. ચોથી T20 17 જૂને રાજકોટમાં અને પાંચમી T20 19 જૂને દિલ્હીમાં રમાશે.
ટીમ ઈન્ડિયા જુલાઈમાં ઈંગ્લેન્ડના પ્રવાસે જશે. 1 જુલાઈથી બર્મિંગહામમાં ગયા વર્ષની છેલ્લી બાકીની ટેસ્ટ રમશે. ટીમ ઈન્ડિયા શ્રેણીમાં 2-1થી આગળ છે. ભારત પાસે ઈંગ્લેન્ડમાં શ્રેણી જીતવાની તક હશે. આ સિવાય ટીમ ઈન્ડિયા ઈંગ્લેન્ડ સામે 3 T20 અને 3 ODI મેચોની સીરિઝ પણ રમશે. પ્રથમ T20 7 જુલાઈના રોજ સાઉથમ્પટનમાં, બીજી T20 બર્મિંગહામમાં 9 જુલાઈએ અને ત્રીજી T20 નોટિંગહામમાં 10 જુલાઈએ રમાશે. આ પછી 12 અને 14 જુલાઈએ લંડનમાં ODI શ્રેણીની પ્રથમ બે મેચ રમાશે. ત્રીજી વનડે 17 જુલાઈએ માન્ચેસ્ટરમાં રમાશે.
ટીમ ઈન્ડિયા જુલાઈ-ઓગસ્ટમાં વેસ્ટ ઈન્ડિઝ સામે ટકરાશે. ભારતીય ટીમ વેસ્ટ ઈન્ડિઝના પ્રવાસે જશે જ્યાં તેઓ ત્રણ વનડે અને ત્રણ ટી-20 મેચ રમશે. આ પ્રવાસનું શિડ્યુલ હજુ જાહેર કરવામાં આવ્યું નથી. સપ્ટેમ્બરમાં ભારતીય ટીમ એશિયા કપમાં ભાગ લેશે, જેના કારણે શેડ્યૂલ હજુ જાહેર કરવામાં આવ્યો નથી.
સપ્ટેમ્બર-ઓક્ટોબરમાં ટીમ ઈન્ડિયાનો સામનો ઓસ્ટ્રેલિયા તેના ઘરે થશે. આ પ્રવાસમાં 4 ટેસ્ટ, 3 T20 મેચ રમાશે. શેડ્યૂલ હજુ જાહેર કરવાનું બાકી છે.
ટી-20 વર્લ્ડ કપ 2022 ઑક્ટોબર-નવેમ્બરમાં ઑસ્ટ્રેલિયાની ધરતી પર યોજાશે. ટીમ ઈન્ડિયા ચોક્કસપણે 2022ની એકમાત્ર ICC ટૂર્નામેન્ટ જીતવા માંગશે.
વર્ષનો અંત બાંગ્લાદેશ પ્રવાસ સાથે થશે જેની સામે ટીમ ઈન્ડિયા 2 ટેસ્ટ અને 3 વનડે રમશે. જેનું શિડ્યુલ હજુ જાહેર કરવામાં આવ્યું નથી.
