T20 World Cup: કોના નામે છે સૌથી વધુ વિકેટ, કોની બોલીંગ શ્રેષ્ઠ રહી, શુ છે ભારતીય ધુરંધરોની સ્થિતી
ભારત, ઓસ્ટ્રેલિયા, ઈંગ્લેન્ડ, ન્યુઝીલેન્ડ પાસે વિશ્વના શ્રેષ્ઠ બોલરો છે, પરંતુ T20 વર્લ્ડ કપ (T20 World Cup) ના ઈતિહાસમાં સૌથી વધુ વિકેટ લેવાનો રેકોર્ડ અન્ય ટીમના ખેલાડીના નામે છે.
ભારત, ઓસ્ટ્રેલિયા, ઈંગ્લેન્ડ, ન્યુઝીલેન્ડની પાસે વિશ્વના શ્રેષ્ઠ બોલરો છે, પરંતુ તેમ છતાં ટી20 વર્લ્ડ કપના ઈતિહાસમાં સૌથી વધુ વિકેટ લેવાનો રેકોર્ડ આ ટીમોના કોઈ ખેલાડીના નામે નથી.
T20 વર્લ્ડ કપના ઈતિહાસમાં સૌથી વધુ વિકેટ લેવાનો રેકોર્ડ બાંગ્લાદેશના શાકિબ અલ હસનના નામે છે. તેણે 31 મેચમાં 41 વિકેટ લીધી હતી. આ યાદીમાં બીજા સ્થાન પર પાકિસ્તાનનો દિગ્ગજ ખેલાડી શાહિદ આફ્રિદી છે, જેણે 34 મેચમાં 39 વિકેટ લીધી હતી.
T20 વર્લ્ડ કપમાં ટોપ 10 સૌથી વધુ વિકેટ લેનારા બોલર્સની યાદીમાં આર અશ્વિન એકમાત્ર ભારતીય બોલર છે. અશ્વિન 18 મેચમાં 26 વિકેટ સાથે 10મા સ્થાને છે.
T20 વર્લ્ડ કપમાં એક ઇનિંગમાં સર્વશ્રેષ્ઠ બોલિંગ કરવાનો રેકોર્ડ અજંતા મેન્ડિસના નામે છે. તેણે 2012માં ઝિમ્બાબ્વે સામે 4 ઓવરમાં 8 રન આપીને 6 વિકેટ લીધી હતી.
T20 વર્લ્ડ કપમાં એક ઇનિંગમાં સૌથી વધુ રન ગુમાવવાનો રેકોર્ડ સનથ જયસૂર્યાના નામે છે. તેણે 2007માં પાકિસ્તાન સામે 4 ઓવરમાં 64 રન આપ્યા હતા.