IPL 2023: Shubman Gill અને Virat Kohli ની સદીએ નોંધાવ્યા વિક્રમ, ગુજરાત માટે આ કામ કરનારો ગિલ એક માત્ર!
Shubman Gill Virat Kohli Record: ગુજરાત ટાઈટન્સ અને રોયલ ચેલેન્જર્સ વચ્ચેની મેચમાં 2 સદી નોંધાઈ હતી. પહેલા વિરાટ કોહલી અને બાદમાં શુભમન ગિલે સદી નોંધાવી હતી. આ સાથે મેચમાં કેટલાક વિક્રમ નોંધાયા હતા.
રવિવારે ગુજરાત ટાઈટન્સ સામે રોયલ ચેલેન્જર્લ બેંગ્લોરનો 6 વિકેટથી પરાજય થયો હતો. સિઝનમાં બેંગ્લોરની સફર આ સાથે જ અહીં સમાપ્ત થઈ ગઈ હતી. બેંગ્લોર પોતાની અંતિમ લીગ મેચ હાર્યુ હતુ. બેંગ્લોર માટે પહેલા વિરાટ કોહલીએ સદી નોંધાવી હતી, જવાબમાં રનેચેઝ કરવા માટે ઉતરેલ ગુજરાતની ટીમના યુવા ઓપનર શુભમન ગિલે સદી નોંધાવી હતી. આ મેચમાં મોટા રેકોર્ડ નોંધાયા હતા.
એક જ મેચમાં બે સદી નોંધાઈ હોય એમ અત્યાર સુધીમાં ચોથી વાર બન્યુ છે. જેમાં બે વાર, તો આ સિઝનમાં બન્યુ છે. જ્યારે વિરાટ કોહલી આ ચારમાંથી ત્રણ વાર સદી નોંધાવી ચુક્યો છે. વર્, 2016માં પ્રથમ વાર બે સદી એક જ મેચમાં જોવા મળી હતી. RCB vs GL મેચમાં વિરાટ કોહલી અને એબી ડિવિલયર્સે સદી નોંધાવી હતી. બીજી વાર 2019 માં ડેવિડ વોર્નર અને જોની બેયરિસ્ટોએ SRH vs RCB મેચમાં નોંધાવી હતી. હૈદરાબાદમાં વર્તમાન સિઝનમાં વિરાટ કોહલી અને હેનરિક ક્લાસેને સદી નોંધાવી હતી. જ્યારે લીગની અંતિમ મેચમાં વિરાટ કોહલી અને શુભમન ગિલે બેંગ્લુરુમાં RCB vs GT મેચમાં નોંધાવી હતી.
બેક ટુ બેક સદી સૌ પ્રથમ વાર આઈપીએલમાં શિખર ધવને 2020 માં નોંધાવી હતી. વર્તમાન સિઝનમાં બે વાર આવુ બન્યુ છે, જ્યારે IPL ઈતિહાસમાં આવુ માત્ર ચાર જ વાર બન્યુ છે. ચાર બેટર્સ આ કમાલ કરી ચુક્યા છે. જેમાં વિરાટ કોહલી અને શુભમન ગિલે વર્તમાન સિઝનમાં બેક ટુ બેક સદી નોંધાવી હતી. જોસ બટલરે 2022 માં આવો કમાલ કર્યો હતો.
વિરાટ કોહલીએ IPL સદી નોંધાવવાને લઈ ઈતિહાસ રચ્યો છે. કોહલીએ ગુજરાત ટાઈટન્સ સામે સદી નોંધાવતા જ તે આઈપીએલ ઈતિહાસમાં સૌથી વધારે સદી નોંધાવનારો બેટર બન્યો છે. ક્રિસ ગેલનો રેકોર્ડ કોહલીએ તોડી દીધો છે. કોહલીના નામે 7 આઈપીએલ સદી નોંધાયેલી છે. ગેઈલના નામે 6 અને જોસ બટલરના નામે 5 સદી નોંધાયેલી છે. કેએલ રાહુલ, ડેવિડ વોર્નર અને શેન વોટ્સનના નામે 4-4 સદી નોંધાયેલી છે.
ગિલના નામે અનોખો રેકોર્ડ પોતાની ટીમને લઈ નોંધાયેલો છે. ગિલ એક માત્ર ખેલાડી ગુજરાતની ટીમનો છે, જે સદી ધરાવે છે. આમ તે ગુજરાત વતી સૌથી વધુ મોટી ઈનીંગ રમનારો ખેલાડી છે. ગિલ 104 રનની અણનમ ઈનીંગ રવિવારે રમ્યો હતો. આ પહેલા 101 રનની ઈનીંગ રમી હતી. ગત સિઝનમાં 96 અને 94 રનની ઈનીંગ રમ્યો હતો. વર્તમાન સિઝનમાં અમદાવદામં તે અણનમ 94 રનની ઈનીંગ રમીને સદી ચૂક્યો હતો.