R Ashwin Birthday: ફાસ્ટ બોલર માંથી ફિરકી નો જાદુગર બન્યો ટીમ ઈન્ડિયાનો ‘એન્જિનિયર’, પછી ભણાવ્યા પાઠ
ટીમ ઈન્ડિયા (Team India) ના એન્જિનિયરે ઈન્ટરનેશનલ ક્રિકેટ (Cricket) માં ડેબ્યૂ કર્યા બાદ એક પછી એક રેકોર્ડ તોડવાનું શરૂ કર્યું.
ભારતીય ક્રિકેટના ઈતિહાસમાં બિશન સિંહ બેદી, ઈરાપલ્લી પ્રસન્ના, અનિક કુંબલે, હરભજન સિંહ જેવા અનેક સ્પિનરોના નામ નોંધાયેલા છે. વર્તમાન યુગમાં આર અશ્વિન ભારતના સ્પિનની શક્તિને આગળ વધારવાનું કામ કરી રહ્યો છે. તે આ પેઢીનો શ્રેષ્ઠ સ્પિનર છે. આજે તે પોતાનો 35મો જન્મદિવસ ઉજવી રહ્યો છે.
તામિલનાડુમાં 17 સપ્ટેમ્બર 1986ના રોજ જન્મેલા અશ્વિને વિશ્વના એકથી વધુ બેટ્સમેનોને પાઠ ભણાવ્યો હતો. તેથી જ તેમને પ્રોફેસર પણ કહેવામાં આવે છે.
2010માં ભારત માટે આંતરરાષ્ટ્રીય ક્રિકેટમાં ડેબ્યૂ કરનાર અશ્વિન ટીમ ઈન્ડિયાનો એન્જિનિયર છે. વાસ્તવમાં તે ઇન્ફોર્મેશન ટેકનોલોજીમાં બી ટેક છે.
2011માં વર્લ્ડ કપ જીતનાર ટીમ ઈન્ડિયાના સભ્ય આર.અશ્વિને ભલે આજે દુનિયાને હચમચાવી દીધી હોય, પરંતુ બહુ ઓછા લોકો જાણતા હશે કે તે પહેલા ધીમો ફાસ્ટ બોલર હતો, પરંતુ શાળામાં તેના કોચે તેની બોલિંગની સ્ટાઈલ બદલી નાખી અને ઓફ સ્પિન કરી દીધો.
આ પછી દુનિયાએ તેનો કમાલ જોયો. 2008માં તે પહેલા આઈપીએલમાં ચમક્યો અને પછી ટીમ ઈન્ડિયામાં પ્રવેશ કર્યો. આ પછી તે એક પછી એક રેકોર્ડ તોડતો ગયો. તે 400 ટેસ્ટ વિકેટ લેનારો ચોથો ભારતીય બોલર છે. તે જ સમયે, તે આ સ્થાને ઝડપથી પહોંચનાર વિશ્વનો બીજો બોલર છે.