7 ચોગ્ગા અને 8 છગ્ગા… 41 વર્ષના ભારતીય બેટ્સમેને તોફાની સદી ફટકારી
બીગ ક્રિકેટ લીગની આઠમી મેચ એમપી ટાઈગર્સ અને નોર્ધન ચેલેન્જર્સ વચ્ચે રમાઈ હતી. આ મેચમાં યુસુફ પઠાણની કપ્તાનીમાં એમપી ટાઈગર્સના 41 વર્ષના બેટ્સમેને તોફાની સદી ફટકારી હતી. આ સાથે જ નોર્ધન ચેલેન્જર્સની કેપ્ટનશીપ કરી રહેલી શિખર ધવનની ટીમને હારનો સામનો કરવો પડ્યો હતો.
નમન ઓઝાએ માત્ર 55 બોલમાં અણનમ 102 રન બનાવ્યા હતા. આ સમયગાળા દરમિયાન તેનો સ્ટ્રાઈક રેટ 185.5 હતો અને તેના બેટમાંથી 7 ચોગ્ગા અને 8 છગ્ગા જોવા મળ્યા હતા. તમને જણાવી દઈએ કે, નમન ઓઝા ઓપનિંગ કરવા આવ્યો હતો અને અણનમ રહીને પેવેલિયન પરત ફર્યો હતો.
ભારતીય ટીમના પૂર્વ વિકેટકીપર બેટ્સમેન નમન ઓઝાએ વર્ષ 2021ની શરૂઆતમાં નિવૃત્તિની જાહેરાત કરી હતી. તેની આંતરરાષ્ટ્રીય કારકિર્દી દરમિયાન તેણે ટીમ ઈન્ડિયા માટે 1 ટેસ્ટ, 1 વનડે અને 2 ટી20 મેચ રમી હતી. આ દરમિયાન તેણે ટેસ્ટમાં 56 રન, ODIમાં 1 રન અને T20માં 12 રન બનાવ્યા હતા. નમન ઓઝાએ ફર્સ્ટ ક્લાસ ક્રિકેટમાં તેણે 22 સદીની મદદથી કુલ 9753 રન બનાવ્યા છે. લિસ્ટ Aમાં પણ તેના નામે 4278 રન છે જેમાં 9 સદી પણ સામેલ છે. આ સિવાય તેણે T20માં પણ 2972 રન બનાવ્યા હતા. (All Photo Credit : X / Big Cricket League / Instagram / sony)
Published On - 7:48 pm, Mon, 16 December 24
