TV9 GUJARATI | Edited By: Nirupa Duva
Nov 21, 2022 | 1:25 PM
ભારત અને ન્યુઝીલેન્ડ વચ્ચે બીજી ટી20 મેચમાં સૂર્યકુમાર યાદવે 111 રનની શાનદાર ઈનિગ્સ રમી હતી. જેના દમ પર ભારતીય ટીમે મોટી જીત મેળવી છે. આ સાથે સૂર્યકુમાર યાદવે 2022માં પોતાનું શાનદાર રમત શરુ રાખી અને આખું ક્રિકેટ જગત કહી રહ્યું છે -સૂર્યા તુસ્સી ગ્રેટ હો (Photo: Graphics)
સૂર્યા કુમાર યાદવે આ વર્ષે ટી20 ઈન્ટરનેશનલમાં સૌથી વધુ રન બનાવ્યા છે. આ ફોર્મેટમાં એક વર્ષમાં 1000માં સૌથી વધુ રન બનાવનાર પ્રથમ ભારતીય અને દુનિયાનો બીજી બેટસમેન છે.
એક કેલેન્ડર વર્ષમાં T20 ઈન્ટરનેશનલમાં સૌથી વધુ સિક્સ મારવાનો રેકોર્ડ પણ સૂર્યાના નામે છે. તેના સિવાય કોઈ બેટ્સમેન 50 સિક્સ પણ ફટકારી શક્યો નથી.
રોહિત શર્મા (2018) પછી, સૂર્યા એકમાત્ર એવો બેટ્સમેન છે જેણે એક વર્ષમાં T20 ઇન્ટરનેશનલમાં બે સદી ફટકારી છે.
આટલું જ નહીં ટી20 ઈન્ટરનેશનલમાં બેટિંગ પોઝીશનના હિસાબે ચોથા નંબર પર સૌથી મોટી ઈનિંગ્સનો રેકોર્ડ સૂર્યાના નામે છે, જે તેણે આ વર્ષે ઈંગ્લેન્ડ સામે બનાવ્યો હતો.
સૂર્યાએ એક વર્ષમાં સૌથી વધુ T20 પ્લેયર ઓફ ધ મેચનો વિરાટ કોહલી (6)નો રેકોર્ડ પણ તોડ્યો છે. (ALL Photo TV 9 Gujarati Graphics)