ગુજ્જુ ઓલરાઉન્ડર ઈરફાન પઠાણે બતાવ્યો પત્નીનો ચહેરો, બોલિવૂડ અભિનેત્રીઓને આપે છે ટક્કર
ભારતીય ટીમના પૂર્વ ક્રિકેટર ઈરફાન પઠાણ નિવૃત્તિ બાદ પોતાની કોમેન્ટ્રી અને સ્પષ્ટ અભિપ્રાયોને કારણે ચર્ચામાં રહે છે. ઈરફાન પઠાણ હાલના દિવસોમાં પણ ચર્ચામાં છે. તેની એક ઈન્સ્ટાગ્રામ પોસ્ટ હાલમાં સોશિયલ મીડિયા પર વાયરલ થઈ રહી છે.
ભૂતપૂર્વ અનુભવી ઓલરાઉન્ડર આજે તેની 8મી લગ્નની વર્ષગાંઠની ઉજવણી કરી રહ્યા છે. આ ખાસ અવસર પર તેમણે પોતાની પત્ની સાથેની એક તસવીર સોશિયલ મીડિયા પર શેર કરી છે.ઈરફાન પઠાણની પત્નીએ આ વખતે કોઈ નકાબ પહેર્યો નથી અને ચાહકોએ આ ક્રિકેટરની સુંદર પત્નીનો ચહેરો પહેલીવાર જોયો.
વર્ષ 2016માં લગ્ન કરનાર ઈરફાન પઠાણની પત્નીનું નામ સફા બેગ છે. લગ્ન બાદ ઈરફાન પઠાણે દરરોજ તેની પત્ની સાથે ઘણી તસવીરો શેર કરી છે. દરેક તસવીરમાં તેની પત્ની પોતાનો ચહેરો છુપાવી રહી છે, ક્યારેક માસ્ક તો ક્યારેક ચહેરા પર હાથ રાખીને.
તેની આઠમી વર્ષગાંઠ પર ઇરફાને તેના ફેન્સની ઇચ્છા પૂરી કરતા, તેના સત્તાવાર X એકાઉન્ટ પર કોઈપણ માસ્ક વિના તેની પત્ની સાથેની એક તસવીર શેર કરી. આ તસવીરમાં ઈરફાનની પત્ની શફા બેગ ખૂબ જ સુંદર લાગી રહી છે.
ઈરફાન પઠાણે પત્ની સાથેની તસવીર શેર કરતી વખતે એક ખાસ કેપ્શન પણ લખ્યું છે. ઈરફાને લખ્યું કે 'ઘણા પાત્રો એક જ વ્યક્તિ દ્વારા ભજવવામાં આવે છે. મૂડ બૂસ્ટર, હાસ્ય કલાકાર, સાથી, મિત્ર અને મારા બાળકોની માતા. આ સુંદર પ્રવાસમાં તમને મારી પત્ની તરીકે મળીને હું ખૂબ જ ખુશ છું.
ઈરફાન પઠાણની આ સુંદર તસવીર પર ચાહકો તેને તેની વર્ષગાંઠ પર ન માત્ર અભિનંદન આપી રહ્યા છે પરંતુ તેની સાથે જ ચાહકો તેની પત્નીની સુંદરતાના વખાણ પણ કરી રહ્યા છે. ચાહકો ઈરફાનની પત્ની સફા બેગની તુલના બોલીવુડ અભિનેત્રીઓ સાથે કરી રહ્યા છે.