Photos : ફાઈનલના દિવસે નમો સ્ટેડિયમમાં વરસાદની ધોધમાર બેટિંગ, જાણો IPL Final અંગેની મોટી અપડેટ
GT vs CSK IPL 2023 Final: અમદાવાદના નરેન્દ્ર મોદી સ્ટેડિયમમાં ચેન્નાઈ સુપર કિંગ્સ અને ગુજરાત ટાઈટન્સ વચ્ચે ફાઈનલ મેચની ટક્કર થવાની હતી. આ પહેલા જ વાતાવરણમાં પલટો આવ્યો અને વરસાદને કારણે નિશ્ચિત સમય પર મેચ શરુ થઈ શકી ન હતી.
વિશ્વના સૌથી મોટા ક્રિકેટ સ્ટેડિયમ એટલે કે અમદાવાદના નરેન્દ્ર મોદી સ્ટેડિયમમાં આજે ચેન્નાઈ સુપર કિંગ્સ અને ગુજરાત ટાઈટન્સ વચ્ચે આઈપીએલ 2023ની ફાઈનલ મેચ રમાવાની હતી. પણ વરસાદના કારણે ટોસ નિશ્ચિત સમયે થઈ શક્યો નથી.
વરસાદને કારણે પિચ પર કવર્સ ઢાંકી દેવામાં આવ્યા હતા. કવર્સ પણ ભારે પવનથી ઉડવા લાગ્યા હતા. માહોલ વરસાદી થવાથી ફાઈનલ મેચને લઈ ચાહકોમાં નિરાશા વ્યાપી હતી.
મેચ રાત્રે 9:40 વાગ્યા સુધી શરૂ થશે તો 20-20 ઓવરની જ મેચ રમાશે. ઓવર્સમાં કોઈપણ ઘટાડો થશે નહીં.
જો મેચ રાત્રે 11.46 કલાકે શરુ થશે તો 5-5 ઓવરની મેચ રમાશે. મળતી માહિતી અનુસાર, મોડી રાત્રે સુપર ઓવર રમાડીને પણ ચેમ્પિયન ટીમ નક્કી થઈ શકે છે.
આજે રાત્રે મેચ રદ્દ થાય તો આવતીકાલે રિઝર્વ ડે હોવાથી ફાઇનલ મેચ કાલે 29મી મેના રોજ રમાશે. આજે વરસાદને કારણે નમો સ્ટેડિયમના મેદાન પર પાણી જ પાણી જોવા મળ્યું હતું. ફાઈનલ મેચ જોવા આવેલા દર્શકો વરસાદથી બચવાનો પ્રયત્ન કરતા જોવા મળ્યા હતા.
Published On - 8:14 pm, Sun, 28 May 23