ક્યારે શરુ થશે IPL 2023 અને ક્યારે રમાશે ICC WTC Final? જાણો આ અહેવાલમાં
IPL 2023: ક્રિક્રેટના ચાહકો આઈપીએલ અને બીજી અનેક ક્રિકેટ ટુર્નામેન્ટની રાહ જાઈ રહ્યા છે. આ અહેવાલમાં ચાલો જાણીએ મોટી ટુર્નામેન્ટની તારીખો વિશે.
ક્રિકેટ ફેન્સ હવે ટી20 અને વન ડે ક્રિકેટ વર્લ્ડકપની જેમ ટેસ્ટ ચેમ્પિયનશિપ પ્રત્યે પણ ઉત્સાહ બતાવી રહ્યા છે. આ બધા વચ્ચે ટેસ્ટ ચેમ્પિયનશિપની બીજુ સંસ્કરણ અને આઈપીએલની તારીખ સામે આવી રહી છે.
મીડિયા રિપોર્ટ અનુસાર, આઈસીસી વિશ્વ ટેસ્ટ ચેમ્પિયનશિપની ફાઈનલ મેચ જૂનના પહેલા અઠવાડિયામાં યોજાશે. અનુમાન અનુસાર 7થી 11 જૂન વચ્ચે આ મેચ રમાઈ શકે છે. આ મેચ ઈંગ્લેન્ડમાં રમાઈ શકે છે અને તેમાં રિઝર્વ ડે પણ રાખવામાં આવશે. જોકે, આ અંગે કોઈ આધિકારીક જાહેરાત કરવામાં આવી નથી.
આઈસીસી વિશ્વ ટેસ્ટ ચેમ્પિયનશિપની ફાઈનલ મેચની શરુઆત આઈપીએલની સમાપન તારીખની નજીક છે. બીસીસીઆઈ પણ આઈપીએલની તારીખ પર વિચાર કરી રહ્યુ છે. આઈપીએલનું સમાપન 4 જૂન કે 28 મેના રોજ થઈ શકે છે.
જો ભારતીય ક્રિકેટ ટીમ આઈસીસી વિશ્વ ટેસ્ટ ચેમ્પિયનશિપની ફાઈનલમાં આવશે તો આઈપીએલ 2023ની શરુઆત 31 માર્ચ કે 1 એપ્રિલના રોજ થશે.
ભારતીય ટીમ હાલમાં વિશ્વ ટેસ્ટ ચેમ્પિયનશિપમાં ચોથા સ્થાને છે. ભારતીય ટીમ ઓસ્ટ્રેલિયા, સાઉથ આફ્રીકા અને શ્રીલંકાની ટીમથી પોઈન્ટમાં પાછળ છે. જો બાંગ્લાદેશ સામેની 2 ટેસ્ટ મેચ અને ઓસ્ટ્રેલિયા સામેની 4 ટેસ્ટ મેચમાં ભારતીય ક્રિકેટ ટીમ જીતે તો તે વિશ્વ ટેસ્ટ ચેમ્પિયનશિપની ફાઈનલમાં રમી શકે છે.
ભારત પહેલી વિશ્વ ટેસ્ટ ચેમ્પિયનશિપમાં ફાઈનલમાં પહોંચી હતી. પણ ન્યૂઝીલેન્ડની ટીમ સામે હારનો સામનો કરવો પડ્યો હતો.