ભારતમાં બેટ ચાલ્યુ પરંતુ પડઘો ઓસ્ટ્રેલિયામાં પડ્યો, પેટ કમિન્સે 19 મિનિટમાં 4 રેકોર્ડની બરાબરી કરી
IPL 2022માં રમાયેલી તેની પ્રથમ મેચમાં પેટ કમિન્સ (Pat Cummins)નો દબદબો હતો. તેણે ભારતમાં અજાયબીઓ કરી, પરંતુ તેની અસર ઓસ્ટ્રેલિયન ક્રિકેટ પર પડી છે.
KKR તરફથી રમતા, પેટ કમિન્સે 19 મિનિટમાં 15 બોલમાં અણનમ 56 રન બનાવ્યા, તેણે 373થી વધુના સ્ટ્રાઈક રેટથી બેટિંગ કરી, જેમાં 4 ચોગ્ગા અને 6 છગ્ગાનો સમાવેશ થાય છે. આ દરમિયાન તેણે 14 બોલમાં પોતાની ફિફ્ટી ફટકારી હતી.
પેટ કમિન્સે પહેલો રેકોર્ડ બનાવ્યો હતો કે તે T20 ક્રિકેટમાં સૌથી ઝડપી અડધી સદી ફટકારનાર ઓસ્ટ્રેલિયન બન્યો છે. તેણે 14 બોલમાં પોતાની ફિફ્ટી સાથે આ કારનામું કર્યું.
બીજો રેકોર્ડ આ તોફાની અડધી સદી ફટકારીને તેણે આઈપીએલમાં સૌથી ઝડપી ફિફ્ટીની બરાબરી કરી. પેટ કમિન્સની જેમ કેએલ રાહુલે પણ IPLમાં 14 બોલમાં અડધી સદી ફટકારી છે.
પેટ કમિન્સ T20 ઈતિહાસમાં સૌથી ઝડપી ફિફ્ટી માત્ર 2 બોલમાં ચૂકી ગયો. T20માં સૌથી ઝડપી અડધી સદીનો વર્લ્ડ રેકોર્ડ 12 બોલમાં છે, જે યુવરાજ સિંહના નામે છે. કમિન્સ આ રેકોર્ડથી 2 બોલ દૂર રહ્યો હતો.
તેની તોફાની ફિફ્ટી દરમિયાન કમિન્સે એક જ ઓવરમાં 35 રન બનાવ્યા હતા. આઈપીએલમાં એક ઓવરમાં બનેલો આ સૌથી મોટો સ્કોર છે. કમિન્સ પહેલા ગેલ અને જાડેજાએ એક ઓવરમાં 37 રન બનાવ્યા હતા. (All Photo: IPL/KKR)