303 રન ફટકારનાર ભારતીય ખેલાડીને મળી નવી ટીમ, હવે ઈંગ્લેન્ડમાં રમશે કાઉન્ટી ક્રિકેટ
ભારતીય સ્થાનિક ક્રિકેટમાં પોતાની બેટિંગથી ધમાલ મચાવનાર આ ખેલાડીને હવે વિદેશમાં મોટી તક મળી છે. IPLમાં પણ રમી ચૂકેલા આ ભારતીય સ્ટારને ઈંગ્લેન્ડની જાણીતી કાઉન્ટી ટીમે કરારબદ્ધ કર્યો છે. આગામી દિવસોમાં તે વિદેશી ધરતી પર પોતાના બેટથી ફરી કમાલ કરતો જોવા મળશે.
ભલે ભારતીય ખેલાડીઓને વિદેશી T20 લીગમાં રમવાની મંજૂરી ન હોય, પરંતુ ઘણા ભારતીય ખેલાડીઓ ઇંગ્લેન્ડના સ્થાનિક ક્રિકેટમાં રમતા જોવા મળે છે. હવે, આ યાદીમાં એક નવું નામ ઉમેરાયું છે: મહિપાલ લોમરોર .
ડાબોડી ભારતીય બેટ્સમેન અને પાર્ટ-ટાઇમ સ્પિનર મહિપાલ લોમરોર સરે ક્રિકેટ ક્લબ દ્વારા કરારબદ્ધ થયા બાદ ઇંગ્લેન્ડમાં કાઉન્ટી ચેમ્પિયનશિપમાં રમશે.
લંડનના ઓવલ ક્રિકેટ ગ્રાઉન્ડ સ્થિત સરે કાઉન્ટી ક્રિકેટ ક્લબે 26 વર્ષીય મહિપાલ લોમરોરને છ કાઉન્ટી ચેમ્પિયનશિપ મેચ માટે કરારબદ્ધ કર્યો છે, જ્યાં તેણે નોટિંગહામશાયર સામે ડેબ્યૂ કર્યું હતું.
ભારતીય ઘરેલુ ક્રિકેટમાં રાજસ્થાન ક્રિકેટ ટીમના કેપ્ટન મહિપાલ લોમરોરને સેમ કરન અને વિલ જેક્સની ઇજાઓનો ફાયદો થયો છે, જેઓ આ સિઝનમાં વધુ રમી શકશે નહીં અને તેમની જગ્યાએ લોમરોરને ટીમમાં સામેલ કરવામાં આવ્યો છે.
લોમરોરે IPLમાં ઘણી મેચ રમી છે, તેણે કુલ 63 ફર્સ્ટ-ક્લાસ મેચ રમી છે, જેમાં તેણે 42.62 ની સરેરાશથી 3,836 રન બનાવ્યા છે. તેણે 10 સદી ફટકારી છે, જેમાં 300 તેનો સર્વોચ્ચ સ્કોર છે. (PC: PTI/Instagram)
Published On - 8:11 pm, Fri, 21 August 26
