IND vs PAK: ભારત અને પાકિસ્તાન વચ્ચે ખેલાશે જંગ, આવતા મહિને આ દિવસે થશે હાઈવોલ્ટેજ ટક્કર
ભારત અને પાકિસ્તાન (India vs Pakistan) વચ્ચે ગત વર્ષે ટી20 વિશ્વકપમાં ટક્કર થઈ હતી, ત્યાર બાદ આ વર્ષ રમાનાર વિશ્વકપમાં બંને વચ્ચે ટક્કર થવાની રાહ જોવાઈ રહી હતી. આ દરમિયાન હવે બંને દેશો વચ્ચે આગામી મહિને જ એશિયાઈ મેદાનમાં જ ટક્કર જામશે.
ભારત અને પાકિસ્તાન ફરી એકવાર સામસામે આવી રહ્યા છે. સમાચાર અનુસાર, આ ટક્કર આવતા મહિને થવાની છે. આ મેચ એશિયા કપમાં રમાશે, જે 27 ઓગસ્ટથી શ્રીલંકામાં શરૂ થશે. એશિયાની આ બે ટોચની ટીમો 28 ઓગસ્ટે સામસામે ટકરાશે. (Photo AFP)
તમને જણાવી દઈએ કે એશિયા કપ T20 ફોર્મેટમાં રમાશે. ટી-20 વર્લ્ડ કપની તૈયારીઓના સંદર્ભમાં આ ટૂર્નામેન્ટ ખૂબ જ મહત્વપૂર્ણ રહેશે. તે જ સમયે, T20 વર્લ્ડ કપ 2021 પછી ભારત-પાકિસ્તાનની ટીમો પ્રથમ વખત એક બીજાનો સામનો કરશે, જેમાં ટીમ ઈન્ડિયાનો 10 વિકેટે પરાજય થયો હતો.
જો કે, એશિયા કપ બાદ ટીમ ઈન્ડિયા અને પાકિસ્તાન ટી20 વર્લ્ડ કપ 2022માં પણ ટકરાશે. આ મેચ 23મી ઓક્ટોબરે મેલબોર્ન ક્રિકેટ ગ્રાઉન્ડ પર રમાશે. મતલબ કે ચાહકો બે મહિનામાં બે વાર ભારત-પાકિસ્તાનની ટક્કર જોવાના છે.
એશિયા કપની વાત કરીએ તો આ ટૂર્નામેન્ટમાં ભારતનો રેકોર્ડ શાનદાર છે. ભારત આ ટૂર્નામેન્ટ 6 વખત જીત્યું છે. છેલ્લી વખત ભારતે 2018માં ફાઇનલમાં બાંગ્લાદેશને હરાવીને એશિયાના ચેમ્પિયન બનવાનું ગૌરવ પ્રાપ્ત કર્યું હતું.
ભારત બાદ શ્રીલંકાએ આ ટૂર્નામેન્ટ પાંચ વખત જીતી છે. તે જ સમયે, પાકિસ્તાનની ટીમ માત્ર 2 વખત એશિયા કપ જીતી શકી છે. પાકિસ્તાને છેલ્લે 2012માં એશિયા કપ જીત્યો હતો.
Published On - 11:42 am, Thu, 7 July 22