IND vs BAN ODI શ્રેણી માટે બાંગ્લાદેશ ટીમનુ એલાન, ફક્ત 1 મેત રમનારા ખેલાડીને પણ મોકો
ભારતીય ટીમ આવતા મહિને બાંગ્લાદેશ પ્રવાસ માટે રવાના થવા જઈ રહી છે, જ્યાં બંને ટીમો વચ્ચે વનડે અને ટેસ્ટ શ્રેણી રમાશે, જે 4 ડિસેમ્બરથી શરૂ થશે.
આવતા મહિને ભારત અને બાંગ્લાદેશ વચ્ચે બીજી ટક્કર થવાની છે. આ મહિનાની શરૂઆતમાં T20 વર્લ્ડ કપમાં ટકરાયા બાદ હવે બંને ટીમો ODI અને ટેસ્ટ શ્રેણીમાં ટકરાશે. આગામી મહિને ટીમ ઈન્ડિયા આ માટે બાંગ્લાદેશની મુલાકાત લેશે, જેની શરૂઆત વનડે શ્રેણીથી થશે. બાંગ્લાદેશે આ શ્રેણી માટે પોતાની ટીમની જાહેરાત કરી દીધી છે.
બાંગ્લાદેશ ક્રિકેટ બોર્ડે 24 નવેમ્બર, ગુરુવારે 16 સભ્યોની ટીમની જાહેરાત કરી હતી, જેની કમાન અનુભવી ઓપનર તમીમ ઈકબાલને સોંપવામાં આવી છે. T20 વર્લ્ડ કપમાં સુપર-12માંથી બહાર થયા બાદ બાંગ્લાદેશી ટીમ પ્રથમ વખત મેદાનમાં ઉતરશે.
તે જ સમયે, શાકિબ અલ હસન આ શ્રેણી સાથે ODI ટીમમાં પરત ફર્યો છે. અગાઉ જુલાઈ-ઓગસ્ટમાં તેણે ઝિમ્બાબ્વેના પ્રવાસ પર વનડે શ્રેણીમાંથી બ્રેક લીધો હતો.
બાંગ્લાદેશી બોર્ડે આ શ્રેણી માટે કેટલાક એવા ખેલાડીઓની પસંદગી કરી છે જેમને ODI ક્રિકેટનો નજીવો અનુભવ છે. બાંગ્લાદેશ બોર્ડે ઝડપી બોલર ઇબાદત હુસૈન અને મિડલ ઓર્ડર બેટ્સમેન યાસિર અલીને ટેસ્ટ ટીમમાં સામેલ કર્યા છે. ઇબાદતે માત્ર 1 ODI રમી છે જ્યારે યાસિરે માત્ર 6 મેચ રમી છે. આમ છતાં બંનેને તક આપવામાં આવી છે.
બાંગ્લાદેશની ટીમઃ તમીમ ઈકબાલ (કેપ્ટન), લિટન દાસ, અનામુલ હક બિજોય, શાકિબ અલ હસન, મુશ્ફિકુર રહીમ, અફીફ હુસૈન, યાસિર અલી, મેહદી હસન મિરાજ, મુસ્તફિઝુર રહેમાન, તસ્કીન અહેમદ, હસન મહમૂદ, ઈબાદત હુસૈન, નસુમ અહેમદ, મહમુદુલ્લાહ નજમુલ હુસૈન શાંતો, કાઝી, નુરુલ હસન સોહન.
ભારત અને બાંગ્લાદેશ વચ્ચે 4 ડિસેમ્બરથી ત્રણ મેચની શ્રેણી શરૂ થશે. બીજી મેચ 7 ડિસેમ્બરે રમાશે જ્યારે છેલ્લી મેચ 10 ડિસેમ્બરે રમાશે. તમામ મેચ મીરપુરમાં યોજાશે.