IND vs AUS: ઓસ્ટ્ર્રેલિયા માટે મેલબોર્નથી સમાચાર આવ્યા, પાકિસ્તાની મૂળના ખેલાડીને ભારત આવવાની સમસ્યા ઉકેલાઈ
ઓસ્ટ્રેલિયાની ક્રિકેટ ટીમ ભારત પ્રવાસે આવી પહોંચી છે. કાંગારુ ટીમમાં તેમનો સ્ટાર બેટર ઉસ્માન ખ્વાઝા વિઝા ઈસ્યૂને લઈ ટીમના અન્ય સભ્યોની સાથે આવી શક્યો નથી, હવે તે અલગથી ભારત આવા રવાના થશે.
ભારતીય ઉચ્ચાયોગ દ્વારા ઓસ્ટ્રેલિયન ક્રિકેટર ઉસ્માન ખ્વાઝાના વિઝા અન્ય ખેલાડીઓની સાથે આપવામાં આવ્યા નહોતા. ઉસ્માન પાકિસ્તાની મૂળનો છે અને તેના વિઝા માટેની પ્રક્રિયા વિલંબમાં રહી હતી. જોકે તેની વિઝા પ્રક્રિયા સમાપ્ત થતા જ હવે ગુરુવારે ભારત આવવા માટે મેલબોર્નથી ઉસ્માન રવાના થશે.
ઉસ્માન ખ્વાઝાએ અત્યાર સુધીમાં ઓસ્ટ્રેલિયા માટે 56 ટેસ્ટ મેચ રમી છે. જ્યારે 40 વનડે અને 9 ટી20 મેચોનો હિસ્સો રહ્યો છે. 36 વર્ષીય પાકિસ્તાનમાં જન્મેલા ઉસ્માન માટે વર્ષ 2022નુ જબરદસ્ત રહ્યુ હતુ. તેણે પાછળના એક વર્ષમાં ઓસ્ટ્રેલિયન ટીમ વતી સૌથી વધારે ટેસ્ટ રન નોંધાવ્યા હતા.
વર્ષ 2022 ના દરમિયાન ટેસ્ટ ક્રિકેટમાં ઓસ્ટ્રેલિયા વતી શાનદાર પ્રદર્શન કરવા બદલ તેને વર્ષનો સર્વશ્રેષ્ઠ ખેલાડી પસંદ કરવામાં આવ્યો હતો. 30 જાન્યુઆરીએ ઉસ્માનને આ પુરસ્કાર મળ્યો હતો. ઉસ્માનને દિગ્ગજ સ્પિનર શેન વોર્નના નામનો એવોર્ડ આપવામાં આવ્યો હતો અને જે મેળવીને તે ખૂબ ખુશ હતો.
