IND Vs NZ: ભારતે અમદાવાદમાં ન્યુઝીલેન્ડને હરાવી પાકિસ્તાનનો રેકોર્ડ તોડ્યો
ભારત અને ન્યુઝીલેન્ડ વચ્ચેની T20 સિરીઝની અંતિમ મેચ અમદાવાદમાં રમાઈ હતી. જેને ભારતે 168 રનના વિશાળ અંતરથી જીતી લીધી હતી. આ સાથે જ ભારતે જીતનો વિક્રમ પણ પોતાને નામ કરી લીધો હતો.
ભારત અને ન્યુઝીલેન્ડ વચ્ચે 3 મેચોની T20 સિરીઝ રમાઈ હતી. જેની અંતિમ મેચ અમદાવાદના નરેન્દ્ર મોદી સ્ટેડિયમમાં રમાઈ હતી. આ મેચ અગાઉ બરાબરની સ્થિતી હોઈ નિર્ણાયક હતી, જેમાં ભારતે વિજય સાથે સિરીઝ જીતી લીધી હતી. સિરીઝની નિર્ણાયક મેચમાં ભારતે વિશાળ અંતરથી ન્યુઝીલેન્ડને હાર આપી હતી. આ સાથે જ ટીમ ઈન્ડિયાના નામે એક રેકોર્ડ નોંધાયો હતો.
અમદાવાદમાં રમાયેલી સિરીઝની અંતિમ મેચમાં ભારતનો 168 રનથી વિજય થયો હતો. ભારત માટે ટી20 ફોર્મેટમાં આ સૌથી મોટી જીત નોંધાઈ છે. આ પહેલા ભારતીય ટીમે આયર્લેન્ડને 143 રનના અંતરથી હરાવ્યુ હતુ. આયર્લેન્ડને 2018માં 29 જૂને હાર આપી હતી.
ભારતે વિશાળ અંતરથી જીત મેળવતા પાકિસ્તાનનો રેકોર્ડ તોડી દીધો છે. ટી20 આંતરરાષ્ટ્રીયમાં આઈસીસીની ફુલ મેમ્બર વચ્ચેની મેચમાં આ સૌથી મોટી જીત નોંધાઈ છે. આ પહેલા પાકિસ્તાને વર્ષ 2018માં વેસ્ટ ઈન્ડિઝ સામે 143 રનથી જીત મેળવી રેકોર્ડ રચ્યો હતો. કરાચીમાં 1 એપ્રિલ 2018માં આ વિક્રમ નોંધાયો હતો, જે હવે ટીમ ઈન્ડિયાએ પોતાને નામે કરી લીધો છે.
માત્ર ફુલ મેમ્બર ટીમ દ્વારા હાંસલ કરવામાં આવેલી સૌથી મોટી જીતનો વિક્રમ જોવામાં આવે તો, આ રેકોર્ડ શ્રીલંકાને નામે હતો. જે ટીમે 2007માં 14 સપ્ટેમ્બરે કેન્યાને 167 રનથી હરાવ્યુ હતુ. કેન્યા આઈસીસીની ફુલ મેમ્બર ટીમ નથી.
જોકે સૌથી મોટી જીતનો ટી20 આંતરરાષ્ટ્રીય ક્રિકેટમાં જોવામાં આવેતો ચેક રેકોર્ડ ગણરાજ્યની ટીમના નામે છે. જે ટીમે 2019માં 30 ઓગષ્ટે તુર્કી ટીમને 257 રનથી હરાવ્યુ હતુ.