IND vs SA: આ 5 ખેલાડીઓને માટે ખૂબ જ મહત્વની છે વન ડે સિરીઝ, કોઇને માટે આબરુ બચાવવાનો તો કોઇને છાપ બનાવવાનો પડકાર
ભારત અને દક્ષિણ આફ્રિકા (India vs South Africa) વચ્ચેની વનડે શ્રેણી ઘણા ખેલાડીઓ માટે મહત્વની છે.
વિજય હજારે ટ્રોફીમાં ચાર સદી ફટકારનાર ઋતુરાજ ગાયકવાડે પોતાના શાનદાર પ્રદર્શનના આધારે ટીમ ઈન્ડિયામાં પોતાની જગ્યા બનાવી લીધી છે. તેણે શ્રીલંકા પ્રવાસ પર આંતરરાષ્ટ્રીય ક્રિકેટમાં પ્રવેશ કર્યો છે પરંતુ તે પ્રથમ વખત વાસ્તવિક ટીમ ઈન્ડિયાના ડ્રેસિંગ રૂમમાં જોડાશે અને ચાહકોની નજર તેના પ્રદર્શન પર રહેશે.
ટેસ્ટ સિરીઝમાં ટીમ ઈન્ડિયા માટે માર્કો યાનસન એક મોટી કોયડો સાબિત થયો. તેણે પોતાના શાનદાર પ્રદર્શનથી સ્ટાર્સથી ભરપૂર ભારતીય બેટિંગને પરેશાન કરી દીધી હતી અને 19 વિકેટ લીધી હતી. તે ODI શ્રેણીમાં પણ તેની ટીમ માટે સમાન પ્રદર્શનનું પુનરાવર્તન કરવા માંગશે.
ટેસ્ટ ફોર્મેટને અલવિદા કહી ચૂકેલ ક્વિન્ટન ડી કોક વનડે શ્રેણીમાં વાપસી કરશે. તે ટીમના મહત્વના બેટ્સમેનોમાંનો એક છે. તાજેતરમાં તે ઘણા વિવાદોનો હિસ્સો રહ્યો છે, તેથી તે તેના બેટથી ટીકાકારોને શાંત કરવાનો પ્રયાસ કરશે.
Published On - 10:13 am, Wed, 19 January 22
