IND vs SA: વિરાટ કોહલી સ્પેશિયલ રેકોર્ડ રચવાની નજીક, કેપટાઉનમાં 7 ખેલાડીઓ પાસે ખાસ મુકામ હાંસલ કરવાનો મોકો
ભારત અને દક્ષિણ આફ્રિકા (India Vs South Africa) વચ્ચે કેપટાઉન (Cape Town Test) માં ત્રીજી અને છેલ્લી ટેસ્ટ મેચ રમાશે. સિરીઝ 1-1 થી બરાબર છે.
ચેતેશ્વર પૂજારા પણ દિલીપ વેંગસરકરને હરાવવાની નજીક છે. કેપટાઉનમાં 8 રન બનાવ્યા બાદ પુજારા દિલીપ વેંગસરકરના 6668 રનનો આંકડો પાર કરશે. તેમજ પુજારા પાસે 7000 ટેસ્ટ રન પૂરા કરવાની તક છે.
અજિંક્ય રહાણે માટે પણ કેપટાઉન ટેસ્ટ ખાસ આંકડાનો સાક્ષી બની શકે છે. રહાણે 79 રન બનાવતાની સાથે જ ટેસ્ટ ક્રિકેટમાં પોતાના 5000 રન પૂરા કરી લેશે. આ કારનામું કરનાર તે ભારતનો 13મો ખેલાડી હશે. આટલું જ નહીં જો રહાણે કેપટાઉન ટેસ્ટમાં એક કેચ લે છે તો આ ફોર્મેટમાં તેના 100 કેચ પણ પૂરા થઈ જશે.
શાનદાર ફોર્મમાં ચાલી રહેલ મોહમ્મદ શમી પણ ખાસ અડધી સદીની નજીક છે. જો શમી કેપટાઉનમાં પાંચ વિકેટ લે છે તો તેના નામે દક્ષિણ આફ્રિકા સામે 50 ટેસ્ટ વિકેટ થઈ જશે. માત્ર અશ્વિન, હરભજન અને અનિલ કુંબલેએ જ દક્ષિણ આફ્રિકા સામે 50 ટેસ્ટ વિકેટ લીધી છે.
કાગિસો રબાડા કેપટાઉનમાં તેની 50મી ટેસ્ટ રમશે. રબાડાએ દક્ષિણ આફ્રિકા માટે માત્ર 49 મેચમાં 226 વિકેટ લીધી છે. તેની બોલિંગ એવરેજ 22.57 છે.
દક્ષિણ આફ્રિકાનો ઓપનર એડન માર્કરામ પણ 2000 ટેસ્ટ રન પૂરા કરવાની નજીક છે. દક્ષિણ આફ્રિકાના ઓપનરને આ આંકડા સુધી પહોંચવા માટે કેપટાઉનમાં 124 રન બનાવવા પડશે.
Published On - 9:57 am, Tue, 11 January 22
