IND vs NZ : કેન વિલિયમસન બીજી મેચમાંથી પણ બહાર, પુણે ટેસ્ટ પહેલા ન્યુઝીલેન્ડને મોટો આંચકો
ભારત અને ન્યુઝીલેન્ડ વચ્ચે ટેસ્ટ સિરીઝની બીજી મેચ પુણેમાં રમાશે. બીજી મેચ પહેલા ન્યુઝીલેન્ડની ટીમને મોટો ઝટકો લાગ્યો છે. ટીમનો અનુભવી બેટ્સમેન કેન વિલિયમસન આ મેચમાં પણ રમી શકશે નહીં. તે હજુ પણ તેની ઈજામાંથી સાજો થઈ રહ્યો છે.
ભારત અને ન્યુઝીલેન્ડ વચ્ચે બીજી ટેસ્ટ 24 થી 28 ઓક્ટોબર ગુરુવાર દરમિયાન રમાશે. આવી સ્થિતિમાં, મેનેજમેન્ટને આશા હતી કે ટીમના વરિષ્ઠ ખેલાડીઓમાંથી એક કેન વિલિયમસન તેની ઈજામાંથી સાજો થઈ જશે. પરંતુ આ થઈ શક્યું નહીં. ન્યુઝીલેન્ડ માટે આ મોટો ફટકો છે. તેમની પાસે ટીમ ઈન્ડિયાને સતત બીજી મેચમાં હરાવીને ભારતમાં પ્રથમ વખત શ્રેણી જીતવાની તક છે. જો વિલિયમસન હાજર હોત તો ટીમને તેના અનુભવનો ફાયદો થયો હોત. પરંતુ તેની ગેરહાજરીમાં આ કામ મુશ્કેલ બની શકે છે.
એશિયામાં વિલિયમસનનો રેકોર્ડ શાનદાર છે. તે સ્પિન ખૂબ સારી રીતે રમે છે, તેથી તેનો રેકોર્ડ એશિયામાં ઘણો સારો છે. તેણે 24 ટેસ્ટ મેચોમાં 48.85ની એવરેજથી રન બનાવ્યા છે. તેમાં યુએઈમાં 64.70ની એવરેજથી બનાવેલા 647 રન સામેલ નથી. જોકે ભારતમાં તેનો રેકોર્ડ બહુ સારો રહ્યો નથી. તેણે ભારતમાં રમાયેલી 8 ટેસ્ટ મેચોમાં 33.53ની એવરેજથી રન બનાવ્યા છે. (All Photo Credit : Getty Images)
