Gujarati NewsPhoto galleryCricket photosIND vs AUS: Reason of Indian team win the 3rd T20i in Gujarati India vs Australia Virat Kohli Suryakumar Yadav Rohit Sharma
IND vs AUS: ટીમ ઈન્ડિયાએ નિર્ણાયક મેચમાં કેવી રીતે ઓસ્ટ્રેલિયાને પછાડ્યુ, જાણો કારણ
પ્રથમ મેચ હાર્યા બાદ, ભારતીય ટીમે (Indian Cricket Team) ત્રણ મેચની T20 શ્રેણીમાં ઓસ્ટ્રેલિયા સામેની અંતિમ બે મેચ જીતી અને 2-1 થી વિજય મેળવ્યો.
Reason of Indian Team Win the 3rd T20i
Follow us on
હૈદરાબાદમાં રવિવારે રમાયેલી ત્રીજી અને અંતિમ T20 મેચમાં ભારતે ઓસ્ટ્રેલિયાને છ વિકેટે હરાવ્યું હતું. આ સાથે ટીમ ઈન્ડિયાએ શ્રેણી 2-1 થી જીતી લીધી હતી. ભારતીય ટીમ માટે ત્રીજી મેચમાં વિજય આસાન નહોતો. એક બોલ પહેલા જ મેચ પોતાના નામે કરી શકાઈ હતી. ટીમ ઈન્ડિયાની જીતના કયા કારણો છે, આવો અમે તમને જણાવીએ.
આ મેચમાં પણ ટોસ ભારતના હિસ્સામાં હતો અને ભારતે ફરી પોતાની ઈચ્છા મુજબ પ્રથમ બોલિંગ કરવાનો નિર્ણય લીધો હતો. ટોસ જીત્યા બાદ ભારતને માનસિક રીતે રાહત મળી હતી.
કેમરૂન ગ્રીને ઝડપી શરૂઆત કરીને ઓસ્ટ્રેલિયાના મોટા સ્કોરનો પાયો નાખ્યો હતો. પરંતુ વચ્ચેની ઓવરોમાં ટીમ ઈન્ડિયાના બોલરોએ ધમાકેદાર વાપસી કરી અને સમયાંતરે ઓસ્ટ્રેલિયાની વિકેટો લેતા રહ્યા.
હર્ષલ પટેલે ઓસ્ટ્રેલિયન ઈનિંગની છેલ્લી ઓવર નાંખી હતી, આ ઓવરમાં તેણે વધારે રન નહોંતા ગુમાવ્યા. હર્ષલે માત્ર સાત રન આપ્યા, જેના આધારે ઓસ્ટ્રેલિયાનું 200 રન સુધી પહોંચવાનું સપનું તૂટી ગયું.
આ મેચમાં કોહલી અને સૂર્યકુમારે શતકીય ભાગીદારી રમત રમી હતી. આ ભાગીદારી ત્યારે થઈ જ્યારે ટીમ ઈન્ડિયાએ 30ના કુલ સ્કોર સુધી પોતાના બંને ઓપનર ગુમાવ્યા હતા. આ ભાગીદારીએ ભારતને મેચમાં વાપસી કરાવી. વિરાટ કોહલીએ 48 બોલનો સામનો કરીને 63 રન નોંધાવ્યા હતા. તેણે 4 છગ્ગા ફટકાર્યા હતા.
વિરાટ કોહલી અને સુર્યકુમાર યાદવે શાનદાર રમત રમી હતી. બંને વચ્ચે 104 રનની ભાગીદારી નોંધાઈ હતી. બંને વચ્ચેની પાર્ટનરશિપ 62 બોલની રહી હતી. બંનેએ ભારતીય ટીમને લક્ષ્યની નજીક પહોંચાડવા માટેની મહત્વની રમત રહી હતી. બંનેએ અડધી સદી નોંધાવી હતી. સૂર્યકુમારે 5 છગ્ગા વડે 69 રનની ઈનીંગ રમી હતી. 36 બોલનો સામનો કરીને તેણે તોફાની રમત રમીને કાંગારુ બોલરોને પરેશાન કરી મુક્યા હતા.
