IPL 2023 : 12 સેન્ચુરી, 153 ફિફટી…જાણો આઈપીએલની 16મી સિઝનના રસપ્રદ આંકડાઓ
IPL 2023 Statistics : આઈપીએલ 2023માં 8.99ની રનરેટથી રન બન્યા છે. ગુજરાતના 3 બોલર્સે 25-25 વિકેટ લીધી છે. જયસ્વાલ અને પ્રભસિમરસિંહ જેવા 2 અનકેપ્ડ ખેલાડીઓએ સેન્ચુરી ફટકારી. જે આઈપીએલ ઈતિહાસમાં પહેલીવાર બન્યું છે. ચાલો જાણીએ આઈપીએલ 2023 સાથે જોડાયેલા રસપ્રદ આંકડા.
ચેન્નાઈ સુપર કિંગ્સની ટીમે 5મી વાર ટાઈટલ જીતીને મુંબઈ ઈન્ડિયન્સના 5 ટાઈટલ જીતવાના રેકોર્ડની બરાબરી કરી છે. ધોનીની કેપ્ટનશિપમાં ચેન્નાઈ સુપર કિંગ્સની ટીમે વર્ષ 2010, 2011, 2018, 2021 અને 2023ની સિઝનમાં ટ્રોફી જીતી છે.
31 માર્ચથી 29 મે,2023 વચ્ચે 60 દિવસમાં 10 ટીમો વચ્ચે 74 મેચ રમાઈ હતી. આ દરમિયાન કુલ 24,430 રન બન્યા હતા. આઈપીએલ 2023માં કુલ 209 ખેલાડીઓ મેદાનમાં રમવા માટે ઉતર્યા હતા.
આઈપીએલની 16મી સિઝનમાં ઈતિહાસની સૌથી વધારે 12 સેન્ચુરી બની હતી. આ પહેલા એક સિઝનમાં આટલી સેન્ચુરી ક્યારેય નથી બની. આઈપીએલ 2023માં રેકોર્ડતોડ સૌથી વધારે 153 ફિફટી પણ જોવા મળી છે.
આઈપીએલની 16મી સિઝનમાં 24 વખત 100 રનની પાર્ટનરશિપ થઈ છે. આ આઈપીએલ 2023માં 37 વખત 200 કરતા વધારે રનનો સ્કોર બન્યો છે.
આઈપીએલ 2023માં કુલ 17,237 બોલ ફેંકવામાં આવ્યા છે. આ સિઝનમાં કુલ 857 વિકેટ જોવા મળી છે જેમાંથી 106 ડક આઉટ જોવા મળ્યા છે. આ સિઝનમાં 601 કેચ, 20 સ્ટમ્પિંગ અને 55 રનઆઉટ જોવા મળ્યા છે.
આઈપીએલ 2023માં કુલ 1124 સિક્સર જોવા મળ્યા છે. આ પહેલા આઈપીએલની એક સિઝનમાં આટલી સિક્સર ક્યારેય નથી ફટકાર્યા. આ સિઝનમાં કુલ 2174 ચોગ્ગા જોવા મળ્યા હતા.
આઈપીએલ 2023માં કુલ 6141 ડોટ બોલ જોવા મળ્યા. આઈપીએલ 2023માં કુલ 17,237 બોલ ફેંકવામાં આવ્યા જેમાં 740 વાઈડ બોલ અને 100 નો બોલ જોવા મળ્યા.