આ ભારતીય ખેલાડીએ અચાનક ક્રિકેટમાંથી નિવૃત્તિની કરી જાહેરાત, માત્ર 31 વર્ષની ઉંમરે લીધો સંન્યાસ
એક ભારતીય ફાસ્ટ બોલરે અચાનક નિવૃત્તિ જાહેર કરી દીધી છે. આ ખેલાડીએ માત્ર 31 વર્ષની ઉંમરે ભારતીય ક્રિકેટમાંથી સંન્યાસ લઈ લીધો છે. આ ખેલાડી IPLમાં ઘણી અલગ-અલગ ટીમો માટે રમી ચુક્યો છે અને ઘરેલુ ક્રિકેટમાં 400 થી વધુ વિકેટ ઝડપી ચુક્યો છે.
અંકિત રાજપૂત IPLમાં ચેન્નાઈ સુપર કિંગ્સ, કોલકાતા નાઈટ રાઈડર્સ, પંજાબ કિંગ્સ અને રાજસ્થાન રોયલ્સ જેવી મોટી ટીમો માટે રમી ચૂક્યો છે. તેણે IPLમાં તેની છેલ્લી મેચ 2020 દરમિયાન રમી હતી. આ પછી તે બેન્ચ પર જ જોવા મળ્યો હતો.
અંકિત રાજપૂતે પોતાના ઈન્સ્ટાગ્રામ એકાઉન્ટ પર એક વીડિયો શેર કરીને નિવૃત્તિની જાહેરાત કરી હતી. અંકિત રાજપૂતે લખ્યું, 'હું ભારતીય ક્રિકેટમાંથી નિવૃત્તિ જાહેર કરું છું. 2009-2024 સુધીનો મારો પ્રવાસ મારા જીવનનો સૌથી અદ્ભુત સમય રહ્યો છે. મને મળેલી તકો માટે હું BCCI, ઉત્તર પ્રદેશ ક્રિકેટ એસોસિએશન, કાનપુર ક્રિકેટ એસોસિએશન, IPL ફ્રેન્ચાઈઝી ચેન્નાઈ સુપર કિંગ્સ, કોલકાતા નાઈટ રાઈડર્સ, પંજાબ કિંગ્સ, રાજસ્થાન રોયલ્સ અને લખનૌ સુપર જાયન્ટ્સનો આભારી છું.
અંકિત રાજપૂતે તેની કારકિર્દી દરમિયાન 80 ફર્સ્ટ ક્લાસ મેચ, 50 લિસ્ટ A મેચ અને 87 T20 મેચ રમી છે. તેણે ફર્સ્ટ ક્લાસમાં 248 વિકેટ, લિસ્ટ Aમાં 71 વિકેટ અને T20માં 105 વિકેટ લીધી છે. IPLની વાત કરીએ તો તેણે 29 મેચમાં 24 વિકેટ ઝડપી હતી. (All Photo Credit : X / ESPN / INSTAGRAM)
