ટીમ ઈન્ડિયાના ખેલાડીએ ભારત બાદ ઈંગ્લેન્ડમાં મચાવ્યો કહેર, એકલા હાથે અડધી ટીમને કરી આઉટ
ટીમ ઈન્ડિયાના ટેસ્ટ સ્પિનર માનવ સુથારે ભારત બાદ ઈંગ્લેન્ડમાં હંગામો મચાવ્યો છે. ડાબા હાથના સ્પિનરે સમરસેટ સામેની બીજી ઈનિંગમાં પાંચ વિકેટ લીધી હતી અને મહત્વપૂર્ણ રન પણ બનાવ્યા હતા. ભારતમાં ટીમ ઈન્ડિયા તરફથી યાદગાર ટેસ્ટ ડેબ્યૂ બાદ ઈંગ્લેન્ડમાં કાઉન્ટી ડેબ્યૂમાં આ ખેલાડીએ દમદાર પ્રદર્શન કર્યું હતું.
ટીમ ઈન્ડિયાના ડાબોડી સ્પિનર માનવ સુથારે ભારત બાદ હવે ઈંગ્લેન્ડમાં પોતાની ક્ષમતા સાબિત કરી છે.
માનવ સુથારે ઈંગ્લેન્ડમાં કાઉન્ટી ચેમ્પિયનશિપમાં વોરવિકશાયર તરફથી રમતા સમરસેટ સામેની પહેલી ઈનિંગમાં બે વિકેટ લીધી હતી અને પછી બીજી ઈનિંગમાં એકલા હાથે અડધી ટીમને આઉટ કરી દીધી હતી.
માનવ સુથારે યોર્કશાયર સામે પણ શાનદાર પ્રદર્શન કર્યું હતું. સ્કારબરો ખાતેની મેચમાં બેટ અને બોલ બંનેથી માનવ સુથારે મહત્વપૂર્ણ યોગદાન આપ્યું હતું. તેણે બે ઈનિંગ્સમાં કુલ 70 રન બનાવ્યા હતા અને મેચમાં ચાર વિકેટ લીધી હતી.
માનવ સુથાર ફક્ત બે મેચ માટે વોરવિકશાયરની ટીમનો ભાગ હતો, અને તેણે બંને મેચમાં સારું પ્રદર્શન કર્યું. સુથાર પહેલીવાર કાઉન્ટી ક્રિકેટ રમ્યો, અને તેણે પાંચ વિકેટ પણ લીધી હતી.
માનવ સુથારે આ મહિનાની શરૂઆતમાં અફઘાનિસ્તાન સામેની એકમાત્ર ટેસ્ટ મેચમાં ટેસ્ટ ડેબ્યૂ કર્યું હતું. તેણે સાત વિકેટ લીધી અને તેને પ્લેયર ઓફ ધ મેચ જાહેર કરવામાં આવ્યો હતો. (PC: PTI/X)
