Breaking News: શિખર ધવન ફરી બન્યો વરરાજા, સોફી શાઇન સાથે કર્યા લગ્ન, આ સ્ટાર ખેલાડી લગ્નમાં પહોંચ્યો
ટીમ ઈન્ડિયાના સ્ટાર ઓપનર શિખર ધવનના લગ્ન 14 વર્ષ પહેલા આયેશા મુખર્જી સાથે થયા હતા, પરંતુ નવ વર્ષ પછી આ લગ્નનો અંત આવ્યો. ત્યારબાદ લગભગ દોઢ વર્ષ પહેલા ધવન અને સોફી શાઈન વચ્ચે સંબંધ શરૂ થયો. અને હવે બંનેએ લગ્ન કરી લીધા છે.
ભારતીય ક્રિકેટ ટીમના ભૂતપૂર્વ ઓપનર શિખર ધવને બીજા લગ્ન કર્યા છે. આ વિસ્ફોટક ડાબા હાથના ઓપનરે 21 ફેબ્રુઆરી શનિવારના રોજ તેની મંગેતર સોફી શાઇન સાથે લગ્નની વિધિઓ પૂર્ણ કરી.
ધવન, જે લગભગ દોઢ વર્ષથી આઇરિશ માર્કેટિંગ પ્રોફેશનલ સોફી શાઇન સાથે સંબંધમાં છે, તેણે ગયા મહિને સગાઈ કરી હતી. હવે, લગભગ 40 દિવસ પછી આ દંપતીએ લગ્ન કર્યા હતા.
આઇરિશ નાગરિક સોફીએ આ લગ્ન ભારતીય રીતરિવાજ અનુસાર કર્યા હતા. તેણીએ મહેંદી અને હલ્દી જેવી ધાર્મિક વિધિઓમાં પણ ભાગ લીધો, જેના ફોટા ચાહકો દ્વારા ખૂબ વાયરલ થયા છે.
શિખર અને સોફીના લગ્નમાં ફક્ત તેમના પરિવાર અને નજીકના મિત્રો જ હાજર રહ્યા હતા. ભારતીય લેગ-સ્પિનર યુઝવેન્દ્ર ચહલ પણ ધવનના લગ્ન સમારોહમાં જોડાયો હતો, અને તેણે સોશિયલ મીડિયા પર લગ્ન સમારોહના ફોટા શેર કર્યા હતા.
આ ધવનના બીજા લગ્ન છે. તેણે અગાઉ 2012 માં આયેશા મુખર્જી સાથે લગ્ન કર્યા હતા, પરંતુ તેઓ 2021 માં અલગ થયા અને ત્યારબાદ 2023 માં છૂટાછેડા લીધા. (PC: Instagram)
