Axar Patel Engagement: અક્ષર પટેલે કરી સગાઈ, જન્મદિવસ નિમિત્તે ગર્લફ્રેન્ડને પહેરાવી વીંટી, જુઓ તસવીરો
ક્રિકેટર અક્ષર પટેલે (Axar Patel) ગર્લફ્રેન્ડ સાથે સગાઈ કરી લીધી, તેના 28માં જન્મદિવસને ખાસ બનાવ્યો.
અક્ષરે તેના જન્મદિવસને ખાસ બનાવવા માટે કેવી તૈયારી કરી લીધી હતી, તેનો અંદાજ તેની બર્થડે પાર્ટીની તસવીરો પરથી લગાવી શકાય છે. તસવીરોમાં તમે જોઈ શકો છો કે જ્યારે અક્ષર તેની ગર્લફ્રેન્ડ મેહાને સગાઈની વીંટી પહેરાવી રહ્યો છે ત્યારે તેની પાછળ 'મેરી મી'નું બોર્ડ પણ છે.
ભારતીય ઓલરાઉન્ડર અક્ષર પટેલ ઈજાના કારણે હાલમાં ટીમ ઈન્ડિયાથી દૂર છે. આ જ કારણ છે કે તે દક્ષિણ આફ્રિકાના પ્રવાસે પણ જઈ શક્યો ન હતો. ઈજાના કારણે તે શ્રીલંકા સામેની હોમ સિરીઝમાં પણ રમે તેવી શક્યતા ઓછી છે.
અક્ષરનું ગત વર્ષ શાનદાર રહ્યું હતું. તેણે ઈંગ્લેન્ડ સામે ટેસ્ટ ડેબ્યૂ કર્યું હતું અને 3 ટેસ્ટમાં 27 વિકેટ લીધી હતી. આ પછી નવેમ્બર-ડિસેમ્બરમાં ન્યુઝીલેન્ડ સામે કાનપુરથી મુંબઈ સુધી રમાયેલી હોમ ટેસ્ટ સિરીઝમાં તેનું પ્રદર્શન શાનદાર રહ્યું હતું. કાનપુર ટેસ્ટની પ્રથમ ઇનિંગમાં તેણે 5 વિકેટ ઝડપી હતી. તો મુંબઈમાં રમાયેલી બીજી ટેસ્ટમાં તેણે અડધી સદી ફટકારી હતી.
