ગાબામાં ઓસ્ટ્રેલિયાનું ઘમંડ તોડનાર વેસ્ટ ઈન્ડિઝની ટીમ વનડે સિરીઝમાં હારી, 7 જ ઓવરમાં ખેલ ખતમ
ઓસ્ટ્રેલિયાના કેપ્ટન સ્ટીવ સ્મિથે ટોસ જીતીને વેસ્ટ ઈન્ડિઝને પ્રથમ બેટિંગ કરવાનું કહ્યું હતું. અને પછી મેદાન પર જે બન્યું તે એવું હતું જેની કોઈએ કલ્પના પણ કરી ન હતી. થોડા દિવસ પહેલા જ ગાબા ખાતે ઈતિહાસ રચનારી વેસ્ટ ઈન્ડિઝની ટીમ આ મેચમાં હારનો સામનો કરવો પડયો હતો. સ્થિતિ એટલી ખરાબ હતી કે 11 બેટ્સમેન મળીને બોર્ડ પર માત્ર 86 રન જ બનાવી શક્યા હતા.
એક અઠવાડિયા પહેલા વેસ્ટ ઈન્ડિઝની નવી ટીમે ઓસ્ટ્રેલિયાને તેના કિલ્લા ગણાતા ગાબાના મેદાનમાં હરાવ્યું હતું. વેસ્ટ ઈન્ડિઝે ઓસ્ટ્રેલિયાને હરાવ્યું અને ત્યાં 27 વર્ષ પછી ટેસ્ટ મેચ જીતી.પણ પછી ફોર્મેટ બદલાઈ ગયું. હવે વેસ્ટ ઈન્ડિઝને ODI ફોર્મેટમાં વર્લ્ડ ચેમ્પિયન ઓસ્ટ્રેલિયાનો સામનો કરવાનો હતો.
ઓસ્ટ્રેલિયાએ સિરીઝની પ્રથમ બે મેચમાં વેસ્ટ ઈન્ડિઝને હરાવીને ગાબા ખાતે મળેલી હારની ભરપાઈ કરી હતી. ઓસ્ટ્રેલિયાએ ત્રીજી મેચ આવે તે પહેલા જ 3 મેચની સિરીઝ જીતી લીધી હતી.
આ મેચમાં ઓસ્ટ્રેલિયન કેપ્ટન સ્ટીવ સ્મિથે ટોસ જીતીને વેસ્ટ ઈન્ડિઝને પ્રથમ બેટિંગ કરવા કહ્યું હતું. અને પછી મેદાન પર જે બન્યું તે એવું હતું જેની કોઈએ કલ્પના પણ કરી ન હતી. થોડા દિવસ પહેલા જ ગાબા ખાતે ઈતિહાસ રચનારી વેસ્ટ ઈન્ડિઝની ટીમ આ મેચમાં પરાજય પામી હતી. સ્થિતિ એટલી ખરાબ હતી કે 11 બેટ્સમેન મળીને બોર્ડ પર માત્ર 86 રન જ બનાવી શક્યા હતા. 10 વિકેટમાંથી 4 એવી હતી જે ખાતું પણ ખોલાવી શક્યા ન હતા. એલીક અથાનાજે (32) એકમાત્ર બેટ્સમેન હતો જેણે 20થી વધુ રન બનાવ્યા હતા. બાકીના કેટલાક 8, કેટલાક 10 અને કેટલાક 12 રન બનાવીને આઉટ થયા હતા.
આ મેચમાં ઓસ્ટ્રેલિયા તરફથી કોઈ સિનિયર ફાસ્ટ બોલર રમી રહ્યો ન હતો. પેટ કમિન્સ, મિચેલ સ્ટાર્ક કે જોસ હેઝલવુડમાંથી કોઈ ટીમમાં નહોતું. હાલમાં જ ડેબ્યૂ કરનાર ઝેવિયર બાર્ટલેટે આ મેચમાં 4 વિકેટ ઝડપી હતી. એડમ ઝમ્પા અને લાન્સ મોરિસે 2-2 વિકેટ લીધી હતી. હાલમાં જ સમાચારોમાં રહેલી વેસ્ટ ઈન્ડિઝની ટીમનું ફોર્મ બદલાઈ જતાં આવી સ્થિતિ થશે એવું કોઈએ વિચાર્યું ન હતું. ઓસ્ટ્રેલિયન ટીમ જ્યારે બેટિંગ કરવા આવી ત્યારે તેણે 7 ઓવર પહેલા જ જીત મેળવી લીધી હતી. વેસ્ટ ઈન્ડિઝ આ સિરીઝ 3-0થી હારી ગયું હતું.
વેસ્ટ ઈન્ડિઝની ટીમ લાંબા સમયથી ક્રિકેટમાં સંઘર્ષ કરી રહી છે. પ્રથમ T20 વર્લ્ડ કપની મુખ્ય ઈવેન્ટ માટે ક્વોલિફાય ન થઈ. પછી વર્લ્ડ કપ 2023 ક્વોલિફાયરમાંથી પોતે બહાર થઈ. છેલ્લા કેટલાક વર્ષોમાં વેસ્ટ ઈન્ડિઝે આ બધું જોયું છે. બે ODI વર્લ્ડ કપ અને બે T20 વર્લ્ડ કપ જીતનાર ટીમ માટે હાલમાં તેની જર્સી માટે સ્પોન્સર મેળવવું મુશ્કેલ બની રહ્યું છે. પરંતુ ઓસ્ટ્રેલિયા સામેની ગાબા ટેસ્ટની જીત તેમના માટે આશાનું એક નાનકડું કિરણ હતું. જો કે, વનડે શ્રેણીમાં સ્વિપ થયા બાદ વેસ્ટ ઈન્ડિઝની ટીમ શંકાના દાયરામાં છે.
Published On - 8:01 am, Wed, 7 February 24