વન ડેમાં બનાવ્યા 515 રન, 450 રનથી જીતી મેચ, આ ટીમે તે કર્યું જે સારી ટીમો ન કરી શકી
આધુનિક સમયમાં ક્રિકેટને બેટ્સમેનની રમત માનવામાં આવે છે, પરંતુ કોઈએ કલ્પના પણ નહોતી કરી કે કોઈ ટીમ 50 ઓવરમાં 500નો આંકડો પાર કરી જશે, એવું બન્યું છે અને આ કામ તે દેશની ટીમે કર્યું છે, જે હાલમાં વિશ્વ ક્રિકેટમાં તેના વર્ચસ્વ વધારવાનો પ્રયાસ કરી રહી છે.
ક્રિકેટ હવે બેટ્સમેનોની રમત બની ગઈ છે. આ રમતના નિયમો મોટાભાગના બેટ્સમેનોની તરફેણમાં છે. આ જ કારણથી આજના સમયમાં રનનો વરસાદ થાય છે અને આ જ કારણથી 300 રનનો સ્કોર જે પહેલા બહુ મોટો હતો તે હવે સામાન્ય થઈ ગયો છે. વનડેમાં 400નો સ્કોર પણ ઘણી વખત સ્પર્શી ચૂક્યો છે પરંતુ 500નો સ્કોર હજુ પણ મોટી વાત છે.
આ કામ અમેરિકાની અંડર-19 ટીમ દ્વારા કરવામાં આવ્યું છે. આ ટીમે આર્જેન્ટિના સામે 50 ઓવરમાં પાંચ વિકેટ ગુમાવીને 515 રન બનાવ્યા અને 450 રનથી મેચ જીતી લીધી.
અમેરિકાએ આપેલા ટાર્ગેટ સામે આર્જેન્ટિનાની ટીમ કંઈ ખાસ કરી શકી ન હતી અને માત્ર 19.5 ઓવરમાં 65 રન પર જ ઓલઆઉટ થઈ હતી. આ મેચ ICC અંડર-19 મેન્સ ક્રિકેટ વર્લ્ડ કપ અમેરિકા ક્વોલિફાયરમાં રમાયેલી મેચ હતી જે ટોરોન્ટોમાં ટોરોન્ટો ક્રિકેટ ક્લબમાં રમાઈ હતી. આ મેચમાં આર્જેન્ટિનાએ ટોસ જીતીને પ્રથમ બોલિંગ કરવાનો નિર્ણય કર્યો હતો.
આટલો મોટો સ્કોર આંતરરાષ્ટ્રીય ક્રિકેટમાં ક્યારેય બન્યો નથી. ઈંગ્લેન્ડની ટીમે 17 જૂન 2022ના રોજ નેધરલેન્ડ સામે ચાર વિકેટ લઈને 498 રન બનાવ્યા હતા.
જ્યાં અમેરિકાના બેટ્સમેનોએ આર્જેન્ટિના પર સંયુક્ત રીતે આક્રમણ કર્યું હતુ, ત્યાં આ જ ટીમના બોલરે બોલિંગમાં આર્જેન્ટીના પર પ્રભુત્વ જમાવ્યુ હતુ. અરીન સુશીલ નાડકર્ણીએ 6 ઓવરમાં 21 રન આપીને 6 વિકેટ લીધી હતી.