છોડમાંથી તૈયાર કરવામાં આવી કોરોનાની નવી વેક્સીન ‘કોવિફેન્જ’, તમામ વેરિઅન્ટ પર 71 ટકા સુધી અસરકારક, જાણો કેવી રીતે કરે છે કામ
વૈજ્ઞાનિકોએ કોરોના સામે વિશ્વની પ્રથમ રસી બનાવી છે જે છોડમાંથી તૈયાર કરવામાં આવી છે. કેનેડા સરકારે આ છોડ આધારિત રસી 'કોવિફેન્ઝ'ને મંજૂરી આપી છે. જાણો કેવી રીતે કામ કરે છે આ રસી...
વૈજ્ઞાનિકોએ કોરોના સામે વિશ્વની પ્રથમ આવી રસી (Covid19 Vaccine) બનાવી છે જે છોડમાંથી તૈયાર કરવામાં આવી છે. કેનેડા સરકારે આ છોડ આધારિત રસી 'Covifenz'ને મંજૂરી આપી છે. આ રસી મિત્સુબિશી કેમિકલ, બાયોફાર્મા કંપની મેડિકાગો અને ગ્લેક્સોસ્મિથક્લાઇન દ્વારા સંયુક્ત રીતે બનાવવામાં આવી છે. કેનેડામાં કોવિડની આ પ્રથમ રસી તૈયાર કરવામાં આવી છે.
ડેઈલીમેલના અહેવાલ મુજબ, આ રસીનું માનવીય પરીક્ષણ 18 થી 64 વર્ષની વયના લોકો પર કરવામાં આવ્યું છે. ટ્રાયલમાં, આ રસી કોરોનાના તમામ પ્રકારો સામે 71 ટકા અસરકારક હોવાનું જાણવા મળ્યું છે. તે ખાસ કરીને ડેલ્ટા વેરિઅન્ટ્સ સામે 75 ટકા સુધી અસરકારક છે જેણે કોરોનાની બીજી લહેરમાં વિનાશ સર્જ્યો હતો.
કેનેડા સરકારે આ રસીને મંજૂરી આપી છે. કેનેડામાં, આ રસી 18 થી 64 વર્ષની વયના લોકોને લગાવવામાં આવશે. અન્ય રસીની જેમ, આ રસીના પણ બે ડોઝ આપવામાં આવશે, પરંતુ બે ડોઝ વચ્ચે 21 દિવસનું અંતર રાખવામાં આવશે. 64 વર્ષથી વધુ ઉંમરના લોકો પર આ રસીની શું અસર થશે તે જાણવા માટે સંશોધન કરવામાં આવી રહ્યું છે.
હવે સમજો કે આ રસી કેવી રીતે કામ કરે છે. રસીમાં છોડના કણો હોય છે જે શરીરમાં નકલી સ્પાઇક પ્રોટીન ઉત્પન્ન કરે છે. શરીરની રોગપ્રતિકારક શક્તિ આ પ્રોટીનને દૂર કરે છે. આવું થયા પછી શરીરમાં આ પ્રોટીન સામે એન્ટિબોડીઝ બનવા લાગે છે. આ રીતે રોગપ્રતિકારક શક્તિ વાયરસના ચેપ સામે રક્ષણ આપવા માટે સતર્ક બની જાય છે.
રિપોર્ટ અનુસાર, આ રસી લીધા પછી કેટલાક દર્દીઓને તેની આડઅસર જોવા મળી શકે છે. તેમાં તાવ, શરદી, ઝાડા, સાંધાનો દુખાવો, સ્નાયુમાં દુખાવો અને ઉધરસ જેવા લક્ષણોનો સમાવેશ થાય છે. આ લક્ષણો રસી આપવામાં આવ્યાના થોડા કલાકો સુધી દેખાઈ શકે છે.