TMKOC મિસિસ સોઢીએ અસિત મોદી પર લગાવ્યો જાતીય સતામણીનો આરોપ!, જાણો કોણ છે જેનિફર મિસ્ત્રી, જુઓ Photos
તારક મહેતા સિરીયલની અભિનેત્રીનું કહેવું છે કે જો તેની સાથે આવું થઈ રહ્યું છે તો એક દિવસના કલાકારનું શું થશે તેની તે કલ્પના પણ નથી કરી શકતી. મિસિસ સોઢીનું પાત્ર ભજવતી અભિનેત્રી જેનિફરે અસિત મોદી પર ગંભીર આરોપો લગાવ્યા છે.
આજે આપણે કોમેડી ટીવી સિરિયલ 'તારક મહેતા કા ઉલ્ટા ચશ્મા'વિશે વાત કરીશું, જે વર્ષ 2008 થી સતત દર્શકોની હોટ ફેવરિટ રહી છે. આ ટીવી સિરિયલમાં એક કરતાં વધુ પાત્રો જોવા મળે છે, જેમાં જેઠાલાલ તરીકે દિલીપ જોશીથી લઈને બાપુજી તરીકે અમિત ભટ્ટ અને શ્રીમતી રોશન સોઢી તરીકે જેનિફર મિસ્ત્રી બંસીવાલે લોકોનું ખુબ મનોરંજન કરાવ્યું છે.
આજે અમે તમને જેનિફર મિસ્ત્રી બંસીવાલ વિશે જણાવવા જઈ રહ્યા છીએ, જેનિફર મિસ્ત્રી બંસીવાલની વાત કરીએ તો તે 'તારક મહેતા કા ઉલ્ટા ચશ્મા'ની શરૂઆતથી જ આ સીરિયલ સાથે જોડાયેલી હતી.
તારક મહેતા કા ઉલ્ટા ચશ્મામાં શ્રીમતી સોઢીનું પાત્ર ભજવનાર જેનિફર મિસ્ત્રી બંસીવાલ સોશિયલ મીડિયા પર ખુબ એક્ટિવ રહે છે. તેના અવનવા ફોટો સોશિયલ મીડિયા પર પોસ્ટ પણ કરે છે.
જેનિફર મિસ્ત્રી બંસીવાલ એક ભારતીય અભિનેત્રી છે. તેણી લાંબા સમયથી ચાલતી હિન્દી ટેલિવિઝન સિરીયલ તારક મહેતા કા ઉલ્ટા ચશ્મામાં રોશન દારૂવાલા કૌર સોઢીની ભૂમિકા ભજવવા માટે જાણીતી છે. તે અનેક ફિલ્મોમાં પણ જોવા મળી ચૂકી છે. અભિનેત્રી હલ્લા બોલ (2008), અને એરલિફ્ટ (2016)માં જોવા મળી ચૂકી છે, ટીવી સિરીયલ તારક મહેતા ઉલ્ટા ચશ્મા, 2015 નાગિન, 2021 સુપર ડાન્સર, 2021માં પણ જોવા મળી ચૂકી છે.
આ સમગ્ર ઘટના બાદ અસિત મોદીનું નિવેદન સામે આવ્યું છે તેમણે કહ્યું કે, "અમે કાયદેસરની કાર્યવાહી કરીશું કારણ કે તેણે મને અને શો બંનેને બદનામ કરવાનો પ્રયાસ કરી રહી છે. તે આ પાયાવિહોણા આક્ષેપો કરી રહી છે.”
Published On - 5:10 pm, Thu, 11 May 23