Entertainment News : લાઈગર જોવા માટે વિજય-અનન્યા હૈદરાબાદના એક થિયેટરમાં પહોંચ્યા, ચાહકો થયા દિવાના
નિર્દેશક પુરી જગન્નાથની ફિલ્મ 'લાઈગર' (liger) ગુરુવારે સિનેમાઘરોમાં રિલીઝ થઈ હતી. આ ફિલ્મમાં સાઉથ સ્ટાર વિજય દેવરાકોંડા અને અનન્યા પાંડે લીડ રોલમાં છે.
વિજય દેવેરાકોંડા (vijay deverakonda) અને અનન્યા પાંડેની (Ananya panday) ફિલ્મ લાઈગરે સિનેમાઘરોમાં ધૂમ મચાવી છે. બધા ચાહકો બંનેની આ ફિલ્મની રાહ જોઈ રહ્યા હતા, જે આજે પુરી થઈ ગઈ છે.
બંનેએ 17 શહેરોમાં જોરશોરથી ફિલ્મનું પ્રમોશન કર્યું હતું. વિજય દેવેરાકોંડા અને અનન્યા પાંડે લાઈગરની દરેક ઈવેન્ટમાં જોવા મળતા હતા. દરમિયાન, લાઈગરની ટીમે હૈદરાબાદના સુદર્શન સિનેમામાં ફિલ્મ નિહાળી છે.
તસવીરોમાં વિજય દેવરાકોંડા સાથે અનન્યા પાંડે પણ જોવા મળી રહી છે. તે જ સમયે, તેમની આસપાસ ભીડ પણ દેખાય છે. લાઈગરને જોતાં વિજય અને અનન્યાની તસવીરો પણ સોશિયલ મીડિયા પર વાયરલ થઈ રહી છે.
જો કે આ ફિલ્મના હિન્દી દર્શકો નિરાશ થયા છે. કારણ કે હિન્દી વર્ઝન ગુરુવારે રાત્રે રિલીઝ થશે. મેકર્સ પહેલા સાઉથ વર્ઝન રિલીઝ કરી રહ્યા છે.
તમને જણાવી દઈએ કે, ફિલ્મે પહેલા દિવસે 10 કરોડની કમાણી કરવાનો અંદાજ લગાવવામાં આવી રહ્યો છે. લાઈગરને હિન્દીમાં 3થી 5 કરોડની કમાણી થવાની આશા છે.