Twitter Blue Tick : શાહરૂખ ખાનથી લઈને સલમાન ખાન સુધી, આ સ્ટાર્સની જતી રહી ટ્વીટરની બ્લુ ટીક્સ, બની ગયા ‘આમ જનતા’
Twitter Blue Tick : શાહરૂખ ખાનથી લઈને સલમાન અને અમિતાભ બચ્ચનથી લઈને પ્રિયંકા ચોપરા સુધી તમામ બોલિવૂડ સ્ટાર્સની ટ્વિટર બ્લુ ટિક હટાવી દેવામાં આવી છે.
Twitter Blue Tick : માઈક્રોબ્લોગિંગ સાઈટ ટ્વિટરે વેરિફાઈડ એકાઉન્ટમાંથી ફ્રી બ્લુ ટિક હટાવવાની પ્રક્રિયા શરૂ કરી છે. હવે માત્ર ટ્વિટર બ્લુ ટિક માટે સબ્સ્ક્રાઇબ કરનારા જ બ્લુ ટિક માટે હકદાર બનશે. એટલે કે, હવે તમારે બ્લુ ટિક માટે ચૂકવણી કરવી પડશે. પહેલા સામાન્ય લોકોથી લઈને સ્ટાર્સ સુધી બ્લુ ટિક આવતું હતું પણ હવે આવું નહીં થાય. સામાન્ય લોકોથી લઈને બોલિવૂડના પ્રખ્યાત સ્ટાર્સ સુધી બ્લુ ટિક દૂર કરવામાં આવી છે.
શાહરૂખ ખાન-બોલિવૂડના બાદશાહ કહેવાતા શાહરૂખ ખાનને કોણ નથી જાણતું. દેશ-વિદેશ સુધી શાહરૂખ ખાનનો ચાર્મ બરકરાર છે. કિંગ ખાનની ટ્વીટ પર તેના લાખો ચાહકો પોત-પોતાની પ્રતિક્રિયાઓ શેર કરે છે. પરંતુ હવે શાહરૂખ ખાન પાસેથી તેની બ્લુ ટિક પાછી ખેંચી લેવામાં આવી છે.
સલમાન ખાન-બોલિવૂડના દબંગ ખાન પાસેથી તેની ટ્વિટર બ્લુ ટિક પણ પાછી ખેંચી લેવામાં આવી છે. સુપરસ્ટાર સલમાન ખાન પણ હવે સામાન્ય લોકોની યાદીમાં આવી ગયો છે. તેની બ્લુ ટિક પાછી મેળવવા માટે, સલમાન ખાને પણ સબસ્ક્રિપ્શન લેવું પડશે.
પ્રિયંકા ચોપરા-આ યાદીમાં ભારતથી લઈને વિદેશોમાં પોતાનું નામ બનાવનારી અભિનેત્રી પ્રિયંકા ચોપરાનું નામ પણ સામેલ છે. ગ્લોબલ આઈકન પ્રિયંકા ચોપરાની ટ્વિટર બ્લુ ટિક પણ હટાવી દેવામાં આવી છે. પીસીએ પણ હવે ટ્વિટર બ્લુ ટિક માટે સબ્સ્ક્રાઇબ કરવું પડશે.
અમિતાભ બચ્ચન-લાંબા સમયથી દર્શકોનું મનોરંજન કરી રહેલા બોલિવૂડના દિગ્ગજ અમિતાભ બચ્ચનની બ્લુ ટિક પણ હટાવી દેવામાં આવી છે. હવે સદીના સુપરહીરોને પણ બ્લુ ટિક મેળવવાની કિંમત ચૂકવવી પડશે.
આ લિસ્ટમાં બોલિવૂડ અને સાઉથના ઘણા સ્ટાર્સના નામ સામેલ છે. અક્ષય કુમાર, રજનીકાંત, અનિલ કપૂર, ટ્વિંકલ ખન્ના, કપિલ શર્મા, માધુરી દીક્ષિત, બિપાશા બાસુ, પરિણીતી ચોપરા, અનુષ્કા શર્મા, આલિયા ભટ્ટ સહિતના તમામ સ્ટાર્સ પાસેથી તેમની બ્લુ ટિક લેવામાં આવી છે.
