Wedding in Udaipur: બોલિવૂડ સેલિબ્રિટી,ઉદ્યોગપતિ સહિત ક્રિકેટ ખેલાડીના લગ્નનું સાક્ષી બન્યું છે ઉદયપુર, એક લગ્નમાં તો એરપોર્ટનો રનવે એરિયા પણ નાનો પડ્યો હતો
ઉદયપુર (Udaipur) ઘણી વખત દેશ અને દુનિયાના પ્રખ્યાત બોલિવૂડ સેલિબ્રિટીઓ અને મોટા ઉદ્યોગપતિ પરિવારોના લગ્નનું સાક્ષી બન્યું છે. તળાવોના ઐતિહાસિક દૃશ્ય અને સુંદરતાને કારણે, ઉદયપુર શાહી લગ્નો માટે દેશનું મુખ્ય સ્થળ બની ગયું છે.
કંગનાના ભાઈ અક્ષતના લગ્ન ઉદયપુરના 'ધ લીલા પેલેસ'માં સંપૂર્ણ વિધિ-વિધાન સાથે થયા હતા. લગ્નમાં રનૌત પરિવાર અને સગવાન પરિવારના કેટલાક નજીકના સભ્યો જ હાજર રહ્યા હતા. લગ્નની તમામ વિધિ સવારે થઈ હતી અને સાંજે રિસેપ્શન યોજાયું હતુ. લગ્નની તમામ વિધિ રજવાડી થીમ પર કરવામાં આવી હતી.
ઉદ્યોગપતિ મુકેશ અંબાણીની પુત્રી ઈશા અંબાણી અને આનંદ પીરામલની પ્રી-વેડિંગ સેરેમની 8 અને 9 ડિસેમ્બર 2018ના રોજ લેકસિટી ઉદેપુર ખાતે યોજાઈ હતી. આ લગ્નમાં એટલા બધા મહેમાનો ઉદયપુર પહોંચ્યા કે મહારાણા પ્રતાપ એરપોર્ટનો રનવે એરિયા પણ નાનો બની ગયો હતો.
રવિના ટંડને 22 ફેબ્રુઆરી 2004ના રોજ અનિલ થડાની સાથે ઉદયપુરમાં લગ્ન કર્યા હતા. અનિલ થડાની એક ફિલ્મ ડિસ્ટ્રીબ્યુટર અને બિઝનેસમેન છે. બંનેની મુલાકાત 2003માં ફિલ્મ 'સ્ટમ્પ્ડ' દરમિયાન થઈ હતી.
બોલિવૂડ એક્ટર નીલ નીતિન મુકેશના શાહી લગ્ન ઉદયપુરમાં રૂકમણી સહાય સાથે થયા હતા. જેમાં બોલિવૂડ સેલેબ્સ પણ ઉત્સાહપૂર્વક ભાગ લીધો હતો.
ટીમ ઈન્ડિયાના સ્ટાર ક્રિકેટર હાર્દિક પંડ્યાએ નતાશા સ્ટેનકોવિક સાથે બે વખત લગ્ન કર્યા છે. વર્ષ 2023માં બંનેના લગ્ન ઉદયપુરમાં થયા હતા. હાર્દિકે વર્ષ 2020માં નતાશા સાથે કોર્ટ મેરેજ કર્યા હતા,
