Sobhita Dhulipala Wedding Outfit : શોભિતા ધુલીપાલા લગ્નમાં ડિઝાઈનર કપડાં નહિ પરંતુ ગોલ્ડની કાંજીવરમ સિલ્ક સાડી પહેરશે
સાઉથ સ્ટાર નાગા ચૈતન્ય થોડા દિવસમાં જ બીજી વખત લગ્નના બંધનમાં બંધાવા જઈ રહ્યો છે. અભિનેતા શોભિતા ધુલિપાલા સાથે લગ્નના બંધનમાં બંધાશે. ત્યારે લગ્નને લઈ બંન્ને સ્ટાર કેવા કપડાં પહેરશે તેને લઈને પણ ચર્ચા શરુ થઈ ચૂકી છે.
સાઉથ સિનેમાનો અભિનેતા નાગા ચૈતન્ય ટુંક સમયમાં લેડી લવ શોભિતા ધુલિપાલા સાથે લગ્ન કરશે. સગાઈ બાદ બંન્નેના લગ્નને લઈ ખુબ ચર્ચાઓ થઈ રહી છે. લગ્ન પહેલાની વિધિના ફોટા શેર કર્યા હતા, જેમાં તેની સાદગીએ ચાહકોનું દિલ જીતી લીધું હતું.
હાલમાં કપલનું વેડિંગ કાર્ડ પણ વાયરલ થઈ રહ્યું છે. આ વેડિંગ કાર્ડમાં સંસ્કૃતિ અને ટ્રેડિશનનો સંગમ જોવા મળી રહ્યો છે. કાર્ડમાં લખ્યું છે કે, અમે તમને ખુશી ખુશીથી બોલાવીએ છીએ. બંન્નેના લગ્નની વાત કરીએ તો 4 ડિસેમ્બર 2024ના રોજ લગ્નના બંધનમાં બંધાશે.
શોભિતા ધુલીપાલાએ તેણીના લગ્ન માટે શાનદાર આઉટફિટ પસંદ કર્યું છે.તેમણે પરંપરાને ધ્યાનમાં રાખીને કાંજીવરમ સિલ્ક સાડી પસંદ કરી છે. તેમણે તેના લગ્નના આઉટફિટની ખરીદી માતા સાથે કરી છે. તેના ખાસ દિવસે, શોભિતા સોનાની ઝરીથી બનેલી કાંજીવરમ સિલ્ક સાડી પહેરશે.
આ વર્ષે 8 ઓગસ્ટના રોજ બંન્ને સગાઈ કરી છે. મીડિયા રિપોર્ટ મુજબ શોભિતા અને નાગા ચૈતન્ય હૈદરાબાદના અન્નપૂર્ણા સ્ટુડિયોમાં લગ્ન કરી શકે છે. પરંતુ આ વાતની હજુ પુષ્ટી થઈ નથી.
તમને જણાવી દઈએ કે, નાગા ચૈતન્યના આ બીજા લગ્ન છે. પહેલી વખત તેમણે સાઉથ અભિનેત્રી સામંથા રુથ પ્રભુ સાથે લગ્ન કર્યા હતા. આ લગ્ન વધારે ચાલ્યા નહિ અને બંન્ને અલગ થઈ ગયા હતા. ત્યારબાદ નાગા ચૈતન્યએ શોભિતાને ડેટ કરવાનું શરુ કર્યું હતુ.