Shweta Tiwari Birthday : શ્વેતા તિવારીનો માત્ર સુંદરતા સાથે જ નહીં પરંતુ વિવાદો સાથે પણ ઊંડો સંબંધ છે, એક વખત મામલો FIR સુધી પણ પહોંચ્યો હતો
નાના પડદાની ફેમસ એક્ટ્રેસ શ્વેતા તિવારી હંમેશા પોતાના કામ માટે ચર્ચામાં રહે છે. જો કે તેના પ્રોફેશનલ લાઈફની સાથે-સાથે તે પોતાની અંગત જિંદગી માટે પણ ચર્ચામાં રહે છે. શ્વેતા તિવારીના નામ સાથે અનેક વિવાદો જોડાયેલા છે. જેના કારણે તેમને ભારે વિરોધનો સામનો કરવો પડ્યો છે.
ટીવીની સુંદર એક્ટ્રેસ શ્વેતા તિવારી આજે પોતાનો જન્મદિવસ ઉજવી રહી છે. 40ની ઉપર તેની ઉંમર છે તેમ છતાં તેની ફિટનેસ લાજવાબ છે. તેને જોઈને એવું નથી લાગતું કે તેને 40 વર્ષ ઉપર થયા હશે. તે તેના જીવન દરમિયાન ઘણા વિવાદો સાથે જોડાયેલી છે.
તેને એક વખત એક નિવેદન આપવું ભારે પડ્યું હતું. તેને કહ્યું હતું કે, મેરે બ્રા કા સાઈઝ ભગવાન લે રહે હૈ. આ બોલ્યા પછી તેનો વીડિયો સોશિયલ મીડિયા પર ખૂબ જ વાયરલ થઈ રહ્યો હતો.તેનો વિરોધ કરવામાં આવ્યો હતો. તેની સામે FIR પણ નોંધવામાં આવી હતી.
બીજો વિવાદ એ હતો કે વર્ષ 2009માં રિયાલીટી શો વખતનો વીડિયો વાયરલ થયો હતો. તેમાં તે તેને બિકીનીમાં સ્નાન જોવા મળી હતી. આ વીડિયો વાયરલ થયા પછી લોકો તેને નફરત કરવા લાગ્યા હતા.
શ્વેતા તિવારીના છૂટાછેડાની પણ ખૂબ ચર્ચા થઈ હતી. અભિનેત્રીના તેના પહેલા પતિ રાજા ચૌધરી સાથેના 9 વર્ષના લગ્નજીવનનો અંત આવ્યો. તે દરમિયાન શ્વેતા તિવારીએ રાજા પર ગેરવર્તનનો આરોપ લગાવ્યો હતો. તે દરમિયાન રાજાએ તેની વિરુદ્ધ ઘણું બધું કહ્યું હતું.
રાજા પછી જ્યારે શ્વેતાએ અભિનવ સાથે બીજી વાર લગ્ન કર્યા તો તેનું પરિણામ પણ સારું ન આવ્યું. શ્વેતાએ અભિનવ પર ગંભીર આરોપ લગાવ્યા અને તેનાથી અલગ થવાનો નિર્ણય કર્યો. શ્વેતા તિવારીને બંને લગ્ન કર્યા પછી એક-એક સંતાન છે.