Raveena Tandon Birthday Special : નાની ઉંમરમાં મોટી સ્ટાર બની રવિના ટંડન, આ મોટી ફિલ્મોમાં કર્યું છે કામ
Raveena Tandon Birthday Special : બોલિવૂડ ઈન્ડસ્ટ્રીની દિગ્ગજ અભિનેત્રી રવિના ટંડન આજે તેનો 48મો જન્મદિવસ ઉજવવા જઈ રહી છે. અભિનેત્રીનો જન્મ 26 ઓક્ટોબર 1972ના રોજ મુંબઈમાં જ થયો હતો.
90ના દાયકાની સુંદર અભિનેત્રી રવિના ટંડન આજે પણ પોતાના કામથી લોકોનું મનોરંજન કરી રહી છે. અભિનેત્રી આજે તેનો જન્મદિવસ ઉજવી રહી છે.
રવિના ટંડનની શાનદાર ફિલ્મોની વાત કરીએ તો, પહેલી વાત ફિલ્મ 'મોહરા'ની છે. તે એક સુપરહિટ ફિલ્મ હતી, જેમાં અભિનેત્રીએ પત્રકારની ભૂમિકા ભજવી હતી. આ ફિલ્મમાં તેની સાથે અક્ષય કુમાર અને સુનીલ શેટ્ટી લીડ રોલમાં હતા.
આજે પણ લોકો 'અંદાઝ અપના અપના' જોવાનું પસંદ કરે છે. કોમેડી-ડ્રામા પર આધારિત આ ફિલ્મ બધાને પસંદ આવી હતી. ફિલ્મમાં રવિનાના અભિનયની પણ ખૂબ પ્રશંસા કરવામાં આવી હતી.
'દિલવાલે'માં અજય દેવગન અને રવિના ટંડનની કેમેસ્ટ્રીએ બધાનું દિલ જીતી લીધું હતું. આ ફિલ્મમાં સુનીલ શેટ્ટી પણ મહત્વના રોલમાં જોવા મળ્યો હતો.
રવીના ટંડનને વર્ષ 2001માં ફિલ્મ 'Daman: A Victim of Marital Violence' માટે નેશનલ એવોર્ડથી સન્માનિત કરવામાં આવી હતી.
'ખિલાડીઓ કા ખિલાડી'ની વાર્તા પ્રેમ અને માફિયા ગેંગ પર આધારિત હતી. ફિલ્મમાં રવિના ટંડનની સાથે અક્ષય કુમાર અને રેખા પણ લીડ રોલમાં જોવા મળ્યા હતા.
