પ્રી ઓસ્કાર પાર્ટીમાં પ્રીતિ ઝિન્ટા, મિંડી કલિંગે જુનિયર NTR સાથે આપ્યો પોઝ, રામચરણ તેની પત્ની સાથે જોવા મળ્યો
Pre-Oscars Party: એક્ટ્રેસ પ્રિયંકા ચોપરા (Priyanka Chopra) પ્રી-ઓસ્કર પાર્ટીમાં તેના પતિ નિક જોનાસ સાથે પહોંચી હતી. આ પાર્ટીમાં પ્રીતિ ઝિંટા, જુનિયર એનટીઆર અને મિંડી કલિંગ સહિત સાઉથ એશિયાના ઘણા એક્ટર્સ જોવા મળ્યા હતા. આ પાર્ટી લોસ એન્જલસમાં રાખવામાં આવી હતી.
ઓસ્કાર ઈવેન્ટ પહેલા અમેરિકાના લોસ એન્જલસમાં બીજી એન્યુઅલ સાઉથ એશિયા એક્સેલન્સ પાર્ટી રાખવામાં આવી હતી. પેરામાઉન્ટ સ્ટુડિયોમાં આ ઈવેન્ટ હોસ્ટ કરવામાં આવી હતી. જ્યાં પ્રિયંકા ચોપરા, પ્રીતિ ઝિંટા, જુનિયર એનટીઆર, જેકલીન ફર્નાન્ડિસ અને મિંડી કલિંગ જેવા ઘણા મોટા સ્ટાર્સે હાજરી આપી હતી.
પ્રીતિ ઝિન્ટાએ સાઉથના ફેમસ અને આરઆરઆર એક્ટર જુનિયર એનટીઆર સાથેની સેલ્ફી પણ સોશિયલ મીડિયા પર પોસ્ટ કરી છે. પ્રીતિએ લખ્યું છે- ઓસ્કાર માટેના તમામ નોમિનીઝને ખૂબ ખૂબ અભિનંદન. તમારા બધા માટે દક્ષિણ એશિયાના લોકો પ્રાર્થના કરી રહ્યા છે.
હોલિવૂડ એક્ટ્રેસ મિંડીએ પ્રી ઓસ્કાર ઈવેન્ટની તસવીરો તેના ઈન્સ્ટાગ્રામ પર શેયર કરી છે. તેણે લખ્યું છે કે ગઈકાલે રાત્રે મને સાઉથ એશિયન ઓસ્કાર નોમિનેશન પાર્ટીને કો-હોસ્ટ કરવાનો મોકો મળ્યો. મિંડીએ જુનિયર એનટીઆર અને પ્રિયંકા ચોપરા સાથેનો પોતાનો ફોટો શેયર કર્યો છે.
જેકલીન ફર્નાન્ડિઝે પ્રીતિ ઝિન્ટા સાથે સેલ્ફી પણ લીધી હતી. પ્રીતિએ ઈવેન્ટમાં દરેક સાથે ફોટા ક્લિક કર્યા અને લખ્યું કે ગઈકાલે રાત્રે અમે બધાએ ખૂબ મસ્તી કરી. આ તસવીરો પ્રીતિ ઝિન્ટાએ તેના ઈન્સ્ટાગ્રામ પર શેયર કરી છે.
ગ્લોબલ સ્ટાર રામ ચરણ તેની પત્ની ઉપાસના સાથે પ્રિયંકા ચોપરાની ઈવેન્ટમાં સામેલ થયા હતા. આ ઈવેન્ટમાં મિંડી કલિંગ, કુમૈલ નાનજિયાની, કાલ પેન, અઝીઝ અંસારી, બેલા બજારિયા, રાધિકા જોન્સ, જોસેફ પટેલ, શ્રુતિ ગાંગુલી અને ઘણા મોટા સ્ટાર્સે ભાગ લીધો હતો.