પોતાની દીકરીને પાકિસ્તાનમાંથી મુશ્કેલીથી ભારત લાવી નામ બદલ્યું, જાણો અભિનેત્રીની રસપ્રદ સ્ટોરી
70-80ના દાયકાની પ્રખ્યાત અભિનેત્રી રીના રોયનું જીવન ઘણું સંઘર્ષમય હતું. બાળપણમાં જ તેના માતા-પિતા અલગ થઈ ગયા હતા. પરિવારનું ભરણ પોષણ કરવા ક્લબમાં ડાન્સ કર્યો. પડદા પર ઓળખ મળી પણ પ્રેમ ન મળ્યો.
રીના રોય તે સમયની બોલિવૂડની જાણીતી અભિનેત્રી હતી. તેણે પાકિસ્તાની ક્રિકેટર મોહસીન ખાન સાથે લગ્ન કર્યા હતા, જોકે મોહસીન પણ પાકિસ્તાનના સ્ટાર બેટ્સમેનોમાંનો એક હતો અને ક્રિકેટ કરતાં તેની રીના રોય વિશે વધુ ચર્ચાઓ થતી હતી. એક દિવસ મોહસિને પણ ક્રિકેટને અલવિદા કહી દીધું અને બોલિવૂડમાં પોતાનું કરિયર બનાવવાનું શરૂ કર્યું. આ તમામ બાબતો 1990 પહેલાની છે.
શરૂઆત કરીએ રીના રોયના લગ્નથી. મીડિયા રિપોર્ટ્સ અનુસાર, રીના 1983માં મોહસિન સાથે લગ્ન કરીને પાકિસ્તાન ગઈ હતી. લગ્ન પછી બંનેને એક પુત્રી પણ હતી, જેનું નામ 'જન્નત' હતું, પરંતુ રીના અને મોહસીનનું લગ્નજીવન લાંબું ટકી શક્યું નહીં અને 1990માં તેમના છૂટાછેડા થઈ ગયા.
છૂટાછેડા પહેલા મોહસિને પોતાની ક્રિકેટ કારકિર્દી છોડીને બોલિવૂડમાં પ્રવેશ કર્યો હતો. ત્યાર બાદ તેણે પહેલી બોલિવૂડ ફિલ્મ જ કરી, જ્યારે તેણે રીનાથી છૂટાછેડા લીધા હતા. છૂટાછેડા પછી રીના ભારત પરત આવી ગઈ હતી, પરંતુ તે સમયે તે પુત્રીની કસ્ટડી મેળવી શકી ન હતી.
ઘણા મીડિયા રિપોર્ટ્સમાં કહેવામાં આવ્યું છે કે રીનાને તેની પુત્રીની કસ્ટડી મેળવવા માટે ઘણી મહેનત કરવી પડી હતી. રીના પોતાની દીકરીને દરેક કિંમતે પોતાની સાથે રાખવા માંગતી હતી. તેના એક ઈન્ટરવ્યુમાં જણાવ્યું હતું કે તેણી પુત્રીને મેળવવા માટે સાધુ-સંતોને મળતી હતી.
આખરે, રીનાએ તેની પુત્રીની કસ્ટડી મેળવી અને પછી તેની પુત્રીનું નામ 'જન્નત' થી બદલીને 'સનમ' કરી દીધું. આ બધી બાબતો પછી, જ્યારે રીનાએ બોલિવૂડમાં ડેબ્યૂ કરવાનો પ્રયાસ કર્યો, ત્યારે તેને સફળતા ન મળી અને પછી તેણે તેની પુત્રી સનમ સાથે મુંબઈમાં જ એક્ટિંગ ક્લાસ શરૂ કર્યા અને બોલિવૂડથી દૂર થઈ ગઈ.
તમને જણાવી દઈએ કે, રીના રોયનું નામ પણ ત્રણ વખત બદલાઈ ચૂક્યું છે. રીનાનું પહેલું નામ સાયરા અલી હતું, પરંતુ જ્યારે રીનાની માતા અને તેના પિતાના છૂટાછેડા થયા ત્યારે તેની માતાએ તેનું નામ રૂપા રોય રાખ્યું અને જ્યારે તેણીએ બોલિવૂડમાં ડેબ્યુ કર્યું ત્યારે તેણે તેનું નામ રૂપાથી બદલીને રીના રોય રાખ્યું. (photo Instagram @reenaroy_mylove)