Deadpool 3નો જાદુ, દૂનિયામાં ધમાલ કરતી ફિલ્મ ઓપેનહાઇમરનો મોટો રેકોર્ડ તૂટવા જઈ રહ્યો છે
Deadpool 3 box office : હોલિવૂડ ફિલ્મ ડેડપૂલ 3 સિનેમાઘરોમાં રિલીઝના 16 દિવસ પૂર્ણ કરી ચૂકી છે. આ ફિલ્મે ભારતમાં 100 કરોડનું કલેક્શન પણ પાર કરી લીધું છે. આવી સ્થિતિમાં આ ફિલ્મ પાસે હવે પહેલાથી બનેલા રેકોર્ડને તોડી પાડવાનું કામ છે અને ડેડપૂલ 3 પણ આ કામ કરી રહ્યું છે.
આ ફિલ્મે શુક્રવારે 2.15 કરોડની કમાણી કરી હતી અને શનિવારે આ ફિલ્મનું કલેક્શન 3.25 કરોડ સુધી પહોંચી ગયું હતું. આ રીતે ફિલ્મનું 16 દિવસનું કુલ કલેક્શન 123.20 કરોડ થઈ ગયું છે. આ ફિલ્મ ભારતમાં સૌથી વધુ કમાણી કરનારી ફિલ્મોના મામલે 9મા સ્થાને પહોંચી ગઈ છે.
ઓપેનહાઇમરથી કેટલું દૂર? : હાલમાં ક્રિસ્ટોફર નોલાનની ફિલ્મ ઓપેનહાઇમર સૌથી વધુ કલેક્શનના મામલે 8મા નંબર પર છે. 2023માં રિલીઝ થયેલી આ ફિલ્મે 128.46 કરોડ રૂપિયાની કમાણી કરી હતી. આવી સ્થિતિમાં 123.20 કરોડની કમાણી કરનાર ડેડપૂલ 3ને હવે 4.66 કરોડ રૂપિયાની જરૂર છે.
આટલા કલેક્શન સાથે આ ફિલ્મ ઓપેનહાઇમરનો રેકોર્ડ તોડશે અને 8મા નંબરે પહોંચી જશે. આ પછી આ ફિલ્મ 130 કરોડની કમાણી કરનારી ફિલ્મ ડોક્ટર સ્ટ્રેન્જ ઇન ધ મલ્ટીવર્સ ઓફ મેડનેસથી આગળ આવશે. આંકડાઓ પરથી સ્પષ્ટ થાય છે કે આ ફિલ્મનો રેકોર્ડ પણ ડેડપૂલ 3ની રેન્જમાં છે.
